Mamallakta Tantanakuy, Gabriela Rivadeneira pushakpak makiwan, Alianza País tantariwan, Argentina llaktamanta Remo Carlotto kamachiy killkakman, Corte de Nueva York llakta llakichishkamanta, ama kullkita kuchun supaychashpa Resolución Legislativa arinishka pankata kurka.
Kay tantaripika Ecuador llaktapi kak Argentina llaktamanta ista kamachik, Alberto Álvarez Tufillo kaypi karka.
Tukuypak llaki
Mamallaktapak llankayka wawki llaktaywan kimirishka, tantarichikmi mushukyaypak yuyayka kan, Gabriela Rivadeneira Mamallakta Tantabnakuyta pushak nirka. Ñukanchikpak mashi Mamallakta nichun, kay ñakarika mana Argintina Mamallaktapaklla kanchu, tukuy Apya-yalapak llakimi kan, kay yuyaykunawanmi María Augusta Calle kamachiy killkak Mamallakta Tantanakuy shuk churashkata arinirka.
Ñukanchik Mamamallakta kullkiyukkunawan, hatun allpayukkunawan, llaktata paypak makipilla charinata munakkunwan, shuktak millakkunawan takarinata yachashkamanta, kay yanka yuyaywan tukuykuna takarishpa ñakarichun kayan.
Argentina llaktapi kunan kay bonos buitre llakiwan takarina, Latin Apya-yalapi kawsak runakunapak llakimi kan, chaymanta suyupi llaki tiyachun, kullki hawa llakita charinkapa mitsarinami kanchik.
Awkikayta chukrichi
Mamallakta Tantanakuypak arinishka Argintina llaktata waktakushkamanta tikrachishkami kan, María Augusta Calle nin, Estados Unidos llaktamanta Corte de Justicia churashka kipami shina nirka. Kayka mana Cristina Fernández de Kirchner pushaktalla takanchu, Argintina tukuyllaktatami llakichin, tukuy América Latina llaktatami llakipi churan nirka.
Argentina llaktapi, 2006 – 2010 watakunapi, 93% patsakri kullki mañachikkunamanta ista manu tukurka. Alli shunkuwan kurka, charishka manu pankakunata shuktak manu pankawan rantinchirka, 7% patsakri kullki mañachik mana kallarik mañachikkunachu karka. 43 hunu kullkita mañachirka, kunanka 1 300 kullkitami hapisha nin, kaytaka mushuk hatun kullkiyukkunami amsa tutapi shina sipishka, paykunami yanka kay kullkita huchachishpa hapisha ninkuna. Kaywanka 1 600% patsakritami mirachin, kaymi yanka kan.
Ista llaktakuna yuyarinakuy
Ecuador llaktamanta Mamallakta Tantanakuyta Remo Carlotto kamachiy killkak yupaycharka, kay yanapayka cámaras de Diputados y de Senadores hatun tantariman chayachishka kanka. Shinallatak Néstor Kirchner, Cristina Fernández kamachikpash, Argentina llaktapak shuktak kamachikkuna, shuktak pachakunapi manushkata chaninka nirka.
Shinapash, ñukankachik wakcha llaktakunata kichushpa, llakichishpa kay manutaka mana kishpiychinata yuyanchikchu nirka. Kay rimaytaka OEA tantaripi yaykurishkakunapash kay yuyaywanmi kan. Paykunapash ista ayllullaktakuna kay llakimanta yuyarinakushpa willlachunmi kayarka.
MG/pv/jc-kichwa
