Esperanza Galván Gracia kamachiy killkak 3 watamanta tawka llankaykunata pushamurka, chayka llankayka Esmeraldas markapi, Tabiazo shulkapi kawsak 3 waranka runakuna, chirli yakuta hapina sapita charichunmi llankarka.
Kay llankaykata Empresa Pública Flota Petrolera Ecuatoriana (Flopec) llankak wasiwan kimirishpa, kullkiwanpash rurashka, kay kitipi kawsak runakuwan ashtawan mashiyarinatami kun nirka, shinami Plan Nacional del Buen Vivir 2013-2017 llankaywan kimirishpa paktan.
Kay aknay tantaripika Gobierno Autónomo Descentralizado Parroquial Rural de Tabiazo kamachikkuna chaypi karka, FLOPEC llankakwasipak kamachikkuna, Agua Potable de Tabiazo pushakkuna chaypi karka.
Efrén Drouet Valencia, payka Administración del Sistema de Agua tantarita pushakmi kan, paymi Esperanza Galván kamachiy killkakta alli shamuyta kurka, yupaycharkapash, kay kamachikmi alli chirli yakuta charichun sinchita yanaparka.
Kunanka 70% patsakri runakunamanmi yakuka chayakun, ashalla pachapimi 100% patsakriman yaku chayanka.
Kay FLOPEC llankak wasipak hatun pushak, Danilo Moreno kamachik, kay shina llankayka, riksinapak kayan, chay llakpi kawsak runakunapak kawsayta allichik, alli punchakunata charina ñanta paskan.
Kay Junta Parroquial de Tabiazo pushak, Wilson Loor kamachik yakuta charinkapa kullkita churashpaka, allikawsayta charinkapami kan, alli chirli yakuta mikukpika mana kuyka unkuy hapinkachu.
Kay Planta Potabilizadora de Tabiazo yakuta hapikkuna yupaychashpa, shuk irka kamarita Esperanza Galván kamachiy killkak hapirka.
Kay Tabiazo shulka, Esmeraldas kitimasnta chinikumi kan, chaypika 3.340 runakunami kawsan, paykunaka mana yakuta charinchu. Kunanpika tutuwan apashka, sapan runakunami tutamantapi, 3 sayllata haṕin, chishiman 3 sayllata hapin.
RSA/pv/jc-kichw
