Gabriela Rivadeneira, Mamallakta Tantanakuyta pushak, Parlamento Latinoamericano (Parlatino) tantanakuypi rantipushakmi, tukuy apukkuna, shinallatak Ecuador llakta ayllukunapak shutipi 23 llaktamanta chayamuk apukkunata kay Wankurishkata pushakkunata, shinallatak istallaktamanta chusku minkarishka apukkunatapash kushiyashpami chaskinchik nirka.
Kay wankurita pushakkunaka tantanakuy 50 wata wiñarishkata yuyarishpa imalla ruraykuna charinatami riksichinka, shinallatak rimanakuykunaka kullka punchamanta chaska punchakamami paktanka nirkami.
Kay Fábrica Textil Imbabura wasika ñukanchik llaktapi sindicalismo wiñay kawsayta yuyarinapak wasimi kan nirkami, kay wasika Antonio Ante (Atuntaqui) kiti, Imbabura markapimi sakirin; kay tantanakuypika wankurita pushakkuna, shinallatak Energía y Minas; Servicios Públicos, de Defensa del Usuario y del Consumidor; Pueblos Indígenas y Etnias; Laborales, Previsión Social shinallatak Asuntos Jurídicos minkarishkakunami rimanakunkakuna.
Yuyaykunamanta rimanakuy
Apukkunaka, Latinoamérica suyu llaktakunapi runakunapak kawsaypi mintalana rantinamanta rimanakunka; watan watan Feria Latinoamericana de Expresiones Artísticas y Culturales de los Pueblos Indígenas y Etnias raymi paktanapak rurarina killkatapash riksinkakuna; Suyu llaktapi Zirmawan tinkichinamanta; Chukiwan llankaypak kamachiy rurarinamanta; Llankakkunapak rurarina kamachiymanta rimanakunkakuna; shinallatak, Red de Consumo de la Organización de Estados Americanos, OEA tinkirina wiñarinatapash riksichinka (kaytaka rikunarikmi kan).
MG/pv
