Kay hunkaypash, Ecuador llaktamanta ayllu José Mejía Lequerica runa ishkay patsak wañushka wata yuyarinakuy katinkami, kashna tantanakuymanka Soberanía Alimentaria y Desarrollo del Sector Agropecuario y Pesquero Minkarishka apukkunami kayachishka, kay rimanakuypika Ecuador llaktapi apunchikmanta rimak, kamak, hampik runa yuyashaktami rimanakurka.
Kunan, 13h00 saylla chishimi Mamallakta Tantanakuy wasi ukupi, Ayllukuna “José Mejía Lequerica: Llaktaymanta wamrakunamantapash yuyashka” rimanakuy kallarinapak kayachishka kan.
Mamallakta Tantanakuyta pushak, Gabriela Rivadeneira apukkmi, kay Quito llaktamanta Simón Bolívar, Manuela Cañizares, María Angélica Ibrobo, Espejo yachana wasipi yachakuk wamrakunata alli shamushka nirka, paykunami kay rimanakuypi kanka. Kay rimanakuytaka Mikuna Unanchay minkarishkata pushak, Mauricio Proaño apukmi kallarichinka.
Kay hatun rimanakuypika máster Consuelo Burbano, Guayaquil sumak yachana wasipi yachachik, Juan Paz y Miño, wiñaykawsayta ayachak, licenciado en Ciencias Políticas y Sociales amawta runakunami yachachinkakuna.
Shinallatak Pichincha markata kipa pushak, Marcela Costales warmika, José Mejía Lequerica runa kawsaywan “Llakta Atitishka” shuti wiñaykawsaytami ashayachishka riksichinka, chay kipaka tukuy chayamuk ayllukuna rimana pachami paskarinka.
PV
