Kay María José Carrión kamachiy killkak, Superintendencia de Control de Poder de Mercado al Ministerio de Salud Pública rimashkata yanapan, hatun hampi katuna wasikuna shinallatak, uchilla hampi katuna wasipash hatun wasikuna shinallatak paktapakta katunata ushanka nirka.
Shina rimashpa Carrión kamachiy killkak ayllullaktapi tiyak hampi katuna wasikuna, mintalana kuskapi paktapakta hampikunata katunka nirka, shinami hampikunapak chanita ama achka kullki kachun chapanka, kayka Código de la Salud kamachiypak kamupak kallaripimi tiyarinka nirka.
Ña tukuripika, María José Carrión mayllarinata katuk, hampikunata katuk wasikunaka Ecuador llaktamanta 7.000 ayllukunatami llakichin, kay llakikunatami anchuchinka, kunanka: hatun ashalla tantarishka runapak hampiyuk wasita, shukpaklla hampiyuk wasita anchuchinkapa ñakarinka nishpa rimayta tukuchirka.
Shuktakkunata rimashpaka, chikan hampi katuk wasikunata pushak René Viteri, kamachiy killkakkunapak llankayta hawayachishpa rimarka, Superintendencia kamaywasi allita rimashkata sinchiyachishpa rikuchirka.
MEC/MG/jc-kichwa
