Galo Borja kamachiy killkak, Régimen Económico Minkashkapak Kipapushak, payka El Oro markamantami kan, Mamallakta Pushak kayashka Brasil llaktaman rirka, hatun kamachikkunawan tantarishpami riksishpa purirka. Chayka Rafael Correa Delgado Pushakwan tantalla karka, kay Mamallaktapi kimsa punchata riksishpa purishka allimi nirka, suyupi tantarinamanta rimarkakuna, kamaywasipura yuyarinakurka.
Correa Mamallakta pushak, pay kayashka kamachikkunantin tawka llankaykunata charishpapash BRICS-UNASUR, hatun tantaripi karka, chaypika CELAC hatun tantaripak, BRICS hatun tantaripak yaykurishka kamachikkunantin karka; China llaktawan-CELAC tantariwan rimankuypi karka; chaypika amawtay yanapayta, sumakrurayta, runa ushaykunata rimarka; Universidad de Sao Paulo yachanawasiwan, Yachay yachanawasiwan kishkiyachun; wakcha wawakuna mana alli mikuymanta rimarkakuna, tawka tantarikunata riksirka, kipaka chaypi Brasil runakuna achkata kawsay yachayta charikpimi riksinkapa rirka.
JC-kichwa
|
