Kay 2014 watapi llankashkata Mamallakta Tantanakuy rikuchin, kay Soberanía Alimentaria y Desarrollo del Sector Agropecuario y Pesquero minkashka, Miguel Carvajal, kay Recursos Hídricos, Usos y Aprovechamiento del Agua kamachiyta arinishkata willarka, kay kamachiymi llaktakunapi tapushpa arininata kallarichin, shinami sapsikunapak, ayllullaktakunapak, llaktakunapak, runakunapak hayñita kaman, Mamakamachiy churashkata paktachin nirka.
Yaku kamachiyka runakuna yaku hayñita charichunmi kaman; shuklla llankak yakuta charichunka harkanmi; achka yakunta mayhanpash charichunpash harkanmi; yakuta wakaychinata chutachin, kamaywasillatak ukta llankachun churan, mana ñitichin, runakuna chaypi kachun mañan.
Kay Comisión de Soberanía Alimentaria llankashpa, Constitutiva del Instituto Nacional de Investigaciones Agropecuarias (Iniap) kamachiyta mushukyachin, shinallatak Especial del Sector Cafetalero kamachiyta anchuchishkata rikuchin, shina tukuylla llaktakunapi Mamallakta rikurishkata willan.
Kamachiyta killkashpa katikushkamantaka, kay Tierras Rurales y Territorios Ancestrales kamachiyta manarak arinishpa tapunkapa allichirikun, 1994 watamanta shamuk kamachiypak rantimi llankanka, chay kamachiyka charikkunatami yanapan nirka.
Kapukyachikta sumaychachun, chikan chikan sami charishkakunata sumaychachun, allpata kuntak rakirichun, ama shukpaklla makipi sakirichun churan nirka. Kay 500 patsak yalli sapsi, llakta, runallakta tantarikunami manarak kamachiyta arinishpa taopuypi kanka.
Kay katikuykunapak tatkikuna paktakukpi, runakuna Allpa Kamachiyta riksichun yachaykuna, hatun tantarikuna, willay tantarikuna katinka nirka.
Tukuchinkapa, kallari atinakuyta rurashka Agrobiodiversidad y Semillas shutiyuk kamachiyta kutintak llankankapa hapina nirka, chay kamachiyka, Ecuador llaktapi kapukyachik llankaykuna mushukyachun mashkan nishpa rimayta tukuchirka.
EG/pv/kichwa
