Kay awaki, 19 puncha, kulla killapi, kay Comisión Ocasional de Enmiendas Constitucionales llaktapi kallari llankayta ruranka, paykunaka Mamakamachiypak 16 mushuk nikikunatami riksichinka, chaykunataka Corte Constitucional kamaywasimi chanirka..
Chay Montecristi llaktapi, Manabí markapi pusharinka, chay llaktapimi 2007-2008 watakunapi Mamakamachiyta killkarkakuna. Mamakamachiyka 20 puncha, 2008 watapi llankay kallarirka, Ecuador llaktapi kari warmi kawsak runakuna, patsakmanta 64 runakuna arinishkawan kallarirka.
Kay yachaymanka, chikan chikan tantarikunamanta 500 yalli runakunami chayanka, imashinami Federación de Trabajadores, chay llankayman yaykurishka runakuna, sumak wasipi yachakkuna, kamachiyta yachakkuna, shuktakkunapash. Gabriela Rivadeneira Mamallakta Tantanakuyta pushak chaypimi kanka.
Kay 09:30 sayllamanta willakkunawan shuk rimayta charinka. Chay rumikunawan rurashka, shuyuchishka Mausoleo ukupi, Alfaro paya pushakpak uchpami tiyakun, chaypi Eloy Alfaro, shinami Viejo Luchador pushakta yuyarishpa shuk awkita kunka.
Kipaman, chay Mamakamachiy allichikushkata, Juan Carlos Cassinelli Cali minkashkata pushak yachachinka. Lídice Larrea kamachiy killkak chayakkunaman alli shamushkata kunka. Gabriela Rivadeneira Mamallakta Tantanakuyta pushakpash rimankami.
Mamakamachiyta allichinka kallari yuyaykunatallami rimarkkuna, Quito llaktapi, chikan chikan tantarikunamanta yuyaykunata hapishkatami riksichirka, paykunami alli yuyaykunata hapishkata rikuchirka. Kipaman, kallari atinakuyman richun willayta rikuchirka, chayka achka kamachiy killkakkunapak ñawpakpi Mamallakta Tantanakuy rimanakuypi riksichishkami kan.
Juan Carlos Cassinelli, ishakayniki atinakuyta charinkapaka achka runakuna yanapaytami mutsunchik nirka; chaymantami llaktakunapi riksichikunchik nirka, kay Montecristi llaktapi 19 puncha, kulla killapi kallarinchik, shinami 2015 watapika tukuy Mamallaktaman riksichishun nirka.
Mamallakta Tantanakuypak llika pankapi link punkuta churarkanchik, chayka comisión. constitucional@asambleanacional.gob.ec, shutimi kan, chaypimi yuyayta churanata munak runakunaka paykunapak yuyayta kay ñampi willanka. Shinallatak twiter CenmiedasAN kuskaman willanata ushanmi.
Shuktak nikikunawan tantachishka, akllashka kamachikkunata akllanami kan, Mamallakta Pushak, Kipapushakpak watakuna, llankana kamachichishka, Fuerzas Armadas, Contraloría, Defensoría del Pueblo kamaywasikuna llankana kan, karupi kikinllatak kamachikkunapak llankana, allikawsaypi, hatun kamachikpak chikan chikan patakunapi yachay, llaktakunata tapuna, payallashpa llankayta sakina, willana mitachi tukuykunapak kachun, Ecuador llaktapi llankay hayñita mushukyachina, tukuyllapak llankakkuna hawa rimanka, shuktak yuyaykunatapash rimanka.
JLVN/eg/jc-kichwa
