COOPERA LTDA kullkita mañachik wasi pakirishkata riksishpa Ramiro Aguilar kamachiy killkak willayta chayachikpi, Régimen Económico y Tributario minkashka, Juan Pablo Ochoa Ochoa, Lourdes Quito Ávila, Luis Pacho Pulla, César Loja Pando, Marieta Vintimilla Vélez rikurayachun minkashkakuna kakpi, imamanta COOPERA tantaripi llaki rikurishkata willachun kayarka, shinalltak Cooperativa kamakkuna willashkata imamanta mana chaskishkata willachun kayarka.
Kullkiyuk wasiwan llaki tiyashkamanta kamachiywan katikushkata riksichichun, COOPERA tantariman yaykurishka, llakita charikkunatapash kayayta chayachishkami kan, chayta Rikuryak Kamachikkunaman, kishpichikkunaman llaktayukkunapak llakita rikuchikpi imashina chaskishkata riksichichun kayashka.
Mamallakta Tantanakuypi llankakkuna, Oswaldo Larriva pushashkawan, COOPERA tantarita rikushpa mashna awllikkuna kullkita rikushpa llankakpak shutita riksichichun Superintendencia de Economía Popular y Solidaria kamaywasita mañanka.
Shinallatak COSEDE tantari Pushakta kayanka, kay kamaywasimi kullki charishkata kamanata charin, chay kamachikkunami Diego Aguilar kullkita tikrachinkapa imshina katishkata riksichinata charin.
Ramiro Aguilar kamachiy killkak, Consejo de Vigilancia de la Cooperativa killkashka pankakunata rikukpika, kay kamaywasika kullkita urmarishpa llakiman yaykurikukta rikuchishpa killkashkami rikurin nishpa yuyachirka.
Consejo de Administración tantari, kullki rikukwan rakirishkami rikurin nishpa willayta chayachirka, kayta tawkakutin rikushpami tukuchirka, kay willaykunami Consejo de Vigilancia tantarita manchachirka, kamachiywan katikuy uniyakpipash manchachirka.
Yakuhawrikuna
Shuktak nikimanta rimashpa, Kullki Wiñariy Minkashka, Ley de Hidrocarburos nikina mushuk kamachiyta wakaychirichun 8 apuchiwan arinirka.
RSA/am/JC-kichwa
