Willaykunapi rimashpa, Bloque Parlamentario del Movimiento Creando Oportunidades (CREO) wiñaypak kutintak akllankapa Mamakamachiyta mushuktachinamanta mana yuyayta charishkata rikuchirka.
Loja markamanta, Raúl Auquilla kamachiy killkak, shuktak shuktak kamachikkuna yaykunami llakta ushaypak may alli kan, chaypimi mushuk pushakkuna wiñarin, chikan chikan llakta ushaypak ushaykuna paktapakta kan nirka, ashtawankarin llaktayukkunapak hayñikunata, mañaykunata tawka runakunapak ñawpakpi charirayan
“Mamakamachiyta 2008 watapi, Montecristi llaktapi arinishkata sumaychanami kan, chaymanta imashina arinishkapi sakishun nirka, imashina Mamakamachiy nishkata paktachishpa akllayta mashkankapa katishun, tukuy kamachikkunata shukkutinlla, kutin akllanatami Mamakamachiy churashka kan”.
Latin Apya-yalamanta Ignacio Lula Da Silva y Michelle Bachellet awki llaktayukkunapak rikuchishkatami katina kanchik, paykunami shuktak shuktak akllarina kashkata sumaycharka.
Tawkakunamanta, CREO tantaripak Hatun pushak César Monge, paypak tantarimanta kutin kutinmi atirishun nirka, kay hunkami markapak, kitipak pushakkuna kay hawa rimanakunka, Ecuador llaktapak hatun munaymi chayashka nirka.
MG/jc-kichwa
