Kay llaktamanta kachashka kamachiy killkakkuna Grupo Geopolítico de América Latina y el Caribe (GRULAC) hatun tantaripi kanka. Kay tantarika ashtawan Unión Interparlamentaria rimaytami yallita charin. Shuktak yuyaykunata rimashka kipaka kasik kawsanata, kamayta, runapak hayñikunata, warmita waktashpa llakichiktami yallita rimanka, chaymanka: Alexandra Ocles, Linda Machuca, Diego Vintimilla, Fernando Bustamante ñukanchik llaktapak shutipi rikuchinka.
Kamachiy killkakkunaka Ginebra llaktapimi tantarin, chayka 11 punchamanta, 16 punchakama, wayru killapi rimanakunka, chaypika 744 kamachiykuna, 141 Mamallaktamanta tantarinka, 131 yupay tantari ukupi, Asamblea de la Unión Interparlamentaria (UIP) Mamallakta Tantanakuy shutimi kanka.
Kay Palistino llaktata ukllanamantami ashtawankarin rikuchin, purik runakunata rikuna, kamanatami, warmita waktay hawa ashtawan rikunka, yuyarinka. Kay tantaripi 218 warmikuna chaypi kachun yuyan, chay warmikunawan tantarishpa Alexandra Ocles, Linda Machuca warmikuna chaypi kanka, paykuna alli yuyayta churanka. Kay llakikunata harkankapa kay yuyaykuna kamachiypi yaykurichun, chay kamachiywan llankachun yaykurinka. Ecuador llaktapika kanchis warmimanta shuk warmimi waktashka kan, ista llaktakunapi llakita rikukpika, kimsa warmimanta paypak kawsapi shuk warmimi waktashka rikurin, kay willaytaka istallakta tantarimi shina rikuchin.
JC-kichwa
