Ecuador-Perú llakta apukkuna Wankurishkamanta Zobeida Gudiño, Oscar Ledezma apukkunami Perú llaktata kay Ecuador llaktapi riksichik Elizabeth Astete warmipak wasipi tantanakurkakuna, kay tantaripika ishkantik llakta pushakkuna imashinalla makipurashpa llankanamantami rimanakurka.
Perú llaktata riksichik runaka, saywa llaktakunapi illapakuna anchuchina 2017 watami puchukachunmi shuyakunchik nirkami; shinallatak Huaquillas, Aguas Verdes llaktakunapash makipurashpa wiñarinata ashtawan paktachunmi llankana, llaktakunapi zirmawan tinkirina, ashnayta tinkichina, yakuta chayachina, llakta ayllukuna wiñarinapipashmi llankashpa katina mutsurin nirkami. Kayshina yuyarinakuyka ñawpa watakuna llakta pushakkuna rimanakuypi yuyaypaktarishkami kan, nirkami.
Shinallatak, 90s watakuna makanakuy puchukashpa kashilla kawsanapak yuyarinakushka killkapika 5 hatun sapi ñankunata ruranapakmi yuyaypaktarirka, kimsa ñankunaka ñami tiyan (Guayaquil – Piura; Arenillas – Sullana, Loja – Sullana), shinallatak (Loja – Saramiriza, Méndez – Saramiriza) ñankunaka tawka harkariy tiyashkamanta manarak pakta ayllukuna purinalla kanchu, nirka.
Oscar Ledesma apuk kay tantanakuypi rimarishpaka, ishkantik llaktakuna makipurashpa llankayka Perú llaktawan saywa tukuy llaktakunamanmi yanapay chayana kan nirka, kayshinami kasiklla kawsanapak yuyarinakushka killkamapi riksichishka yanapayka kullasuyu llaktakunapilla mana sakirinka, shina makipurashpa llankaywanmi ayllukunapak kawsayta, pachamamata, kawsayta, wampushpa purinata, shuktak yanapaytapash paktay ushashun nirkami.
Zobeida Gudiño apukka, Ishkantik llakta wankurita pushak, achka llankay paktanami illanrik, ayllukuna kasiklla kawsanapi, hampinapi, tarpunapak yaku charinapi, tarpuykunapi, ayllukuna mintalay harkaypi, shuktak yanapaykunapipash.
Manifestó que es imprescindible realizar una seguimiento a los acuerdos firmados para que trasciendan la formalidad del acto, para que se conviertan en obras que ayuden a mejorar las condiciones de vida de los habitantes de las zonas fronterizas.
Nirkakunapashmi, yuyarinakushka killka paktakushkata rikushpa katinami kan, kayshinami yuyaykuna paktarishpa kanka, shinami saywa llaktapi kawsak ayllukuna alli kawsayman chayankakuna nirkami.
Puchukaypika, Sasi killapak kallari hunkaypakmi Perú llaktamanta apukkunawan tantanakuy tiyanka kaypimi VIII encuentro Binacional de Presidentes hatun tantanakuypi imalla rimanakunapak yuyaykuanta tantachinkakuna, kay hatun rimanakuyka kay wata 28 puncha Wayru killa, Arenillas llaktapimi paktarinka.
JLVN/
