Kawsaytarpuypak llankay ukupi Ecuador llaktamanta José Mejía Lequerica wañushkamanta yuyarishpa hatun tantari tiyan, ista llaktakunawan mishanakuymi kan. Chilla, 8 puncha, wayru killapimi kan, tukurinalla arawi mishanakuyta “José Mejía” shutiwan rikuchin, chayman: Quito, Mejía, Rumiñahui llaktakunamanta yachakukkuna rikuchin.
Kay 10:00 sayllamanta rikuchi kallarin, chayka Carlos Brito Benavides arawa ukupi, Machachi llaktapi rikuchinkakuna.
Kay José Mejía Lequerica kawsaytarpuy llankay, Mamallakta Tantanakuymanta Soberanía Alimentaria y Desarrollo del Sector Agropecuario y Pesquero tantari, Pichincha markamanta, Gobierno Autónomo del cantón Mejía kamachikkuna pushanka, Ecuador llaktapak wiñaykawsay ukupi filósofo, teólogo, abogado, médico, José Mejía Lequerica hatun runata yuyarishpa tantarin, pay wañushka 201 watami kan, Cádiz kitipi, España llaktapi, 27 puncha, wayru killa 1813 watapi wañurka.
Kayashka yachakukkunaka “José Mejía Lequerica amawtapak: yuyayta, Llaktay Rikuyta Ecuador llaktapak mushuk yuyayta arawinka”. Arawikunataka 8 – 10 chinikukama uyachinka.
Kay arawikunaka chilla, 22 puncha, wayru killapi tukurinka, Chanik Kamachik runakunaka tawka kamaywasimanta, yachak wasikunamanta shamunka. Paykunaka Ecuador llaktapak Mamallakta Tantanakuymanta; Academia Nacional de Historia del Ecuador; Ministerio de Educación; Casa de la Cultura Ecuatoriana; Pichinka markapak Gobierno Autónomo Descentralizado kamachikkuna; Municipio del Cantón Mejía kamachikkuna; Embajada de España kamachikkuna shamunka.
José Mejía Lequerica 24 puncha, aymuray killa, 1775 watapi wacharirka; Apya-yalapi llaktakunapi kawsak runakunapak munaytami rikuchirka, chay pachapika mushuk llaktaytami rikurirka, Apya-yalapi llaktakunapi tukuykuna riksishkami kan, paypak arawimantami ashtawan, kishpiyrishpa rimarka, kay llaktakunapi kawsak runakunawan, Europa llaktapi kawsak runakunawan paktapakta kachun yuyarka, chaytami Cortes de Cádiz kamachikpak ukupi rimarka.
EG/pv/jc-kichwa
