Runakuna Federación Nacional de Organizaciones Campesinas, Indígenas y Negras (Fenocin) tantanakuy Mamallakta Tantanakuypimi Tierras Rurales y Territorios Ancestrales kamachiy ruranapak ñawpa Tapuyman kimirinapak killkarinaman chayamurkakuna, Llaktayukta tapuytaka Soberania Alimentaria minkarishka apukkunami pushakun.
Runa ayllukuna Tantanrishkata pushak, Santos Villamar runaka, kay 16 puncha pawkar killami kay tantanakuyman kimirishkakunapash markakunapi killkarikunkuna, Mamallaktak ancha mutsurishkamantami kimirishpa llankana yuyaywanmi killkarikunchik, nirkami.
Kay tantanakuy mutsushkapika allpa rikunapak kullkimanta, allpa charinata rikuna shinallatak llankana wasimanta, kikin pushakkunata, kullkita, ruraykunatapash charinapakmi mañaykuanta chayachishkanchi, nirkami, kayshina mañaykunaka runa ayllukunawan rimanakushpami tantachirkanchi, nirkami.
Fenocín tantanakuyka 18 markakunapimi riksirishka kanchik, tukuymantaka 60 ayllukunami ishkay niki, kimsa niki tantanakuypi kimirishka tantanakuykunami kan, shinapash shuk niki tantanakuykunapash tukuyllami killkarikrinchik, asociaciones tantanrikunami kay 24 puncha pawka killkama killkarinkakuna.
María Sarango, kay Tantanakuy ukupi wamrakuna tantarishkata pushakka, Allpa Kamachiy rurarina tapuyman tukuy mamallaktapi kayachishkaman chayanami kanchik, kayshina kay punchakunalla rimanakuypi llakta ayllukunaka yuyarinakurka, nirkami-
Shinallatak wasi ayllupak tarpuna allpata rikuranami mutsurin, ayllullaktakunapika warmikunami allpapi llankanchik, tarpuyta ukllanchik, mikunata unanchanchik, ñukanchikmi murukunata charishpa katinapak wakichinchik, nirkami
MG/pv
