Gabriela Rivadeneira Mamallakta Tantanakuyta Pushak, Managua llaktaman, Nicaragua kitiman chayarka, chay llaktapak Mamallakta Tantanakuypak sandinista tantariwan rimanakurka, Edwin Castro kamachikmi, Daniel Ortega Pushakpak shutipi karka, Siddartha Marín, Ecuador llaktapi, Nicaragua llaktapak shutipi kamachik, Aminta Buenaño chaypi karka.
Kipaka Ministerio de la Familia, la Niñez y Adolescencia wasiman rirka, chay kamaywasita pushak, Marcia Ramírez kamchikwan tantarirka, Salud hatun kamachik, Sonia Castro, Instituto de Fomento Municipal, Guiomar Irías pushakkunawan tantarirka.
Chay tantaripi, warmi Nicaraguua llaktamanta awllikkuna “modelo de alianza y complementariedad” hawa sinchita rimarka, chayka tukuylla llaktayta rikuchikmi karka. Mamallaktawan, Kiti tantariwan kimirishpa llankaymi kan. Shuk manyamanta rikukpika, ayllumanta, malta runakunamanta, llaktaymanta, tukuymanta, kiti ayllullaktamanta, sapsimanta rikunkuna.
Llullu wawakunata yanapanatami ashtawan rimarkakuna, warmi chichu kashkamanta, wawa sukta watata charinkakama yanapakmi kan. “Programa Amor” shutmi kan; tisiku runakunata, shukkunatapash yanapan. Kayman ayllullaktakunata yaykurichun mañan, kamaywasipura yanapanata mañamkuna.
Paypak yuyaymanta, Gabriela Rivadeneira Mamakamachiyta allichinkapak katikushkata rimarka, kaywan Mamallakta allikawsaypi, yachaypi pushayta charina nirka. Kititantarikuna Mamallaktapi tukuylla llaktayta pushachun nirka.
Ecuador llaktapi Mamallakta Tantanakuypak Pushak, Nicaragua llaktapak hatun kamachikkunawan tantarishka yuyayta charirka. Mamallaktawan Kititantariwan paktapakta llankana allimi kan nirka.
Iskantin Mamallaktapi warmikuna pakta runakuna llankaykunapi kachun rimarishka shuklla yuyay ishkantin kamachikpak karka. Shinallatak Nicaragua llaktapak “tendido social” llankaywan katishpa allikawsayta, yachayta, llaktayukkunata kamanata taripashka, yanapashkami alli rimaykuna karka, kaypimi ayllullaktata pushak, hatun pushakkuna, Mamallaktawan tantarishpa llankaymi alli rimay karka, chaypi kakkuna chanirka.
Shuktakkunata rimashpa, Ramiro Vela kamachiy killkak, paypash Nicaragua llaktapi karka, Raquel Dixon, Grupo de Amistad con Ecuador pushakwan rimanakurka.
Mamallakta Tantanakuyta Pushak, Ramiro Vela kamchiy killkakwan, Omar Cabezas ñakarik, killkak, kunanka Derechos Humanos. Omar Cabezas kamachik, wiñaykawsaymanta, Revolución Sandinista pushakmi kan, waylla pampakunapi ñakarinata pushakmi kashka.
Shinallatak Gabriela Rivadeneira, Edwin Castro kamachiy killakwan tantarirka, paywanka imashina kamchiyta killkana hawa rimarka. Nicaragua llakta, sapsi awkakunawan kamakukta riksina kan, chaymanta ashalla shuwakuna, wañuchikkunata kay llaktapi charikta rikuchin.
Chishiman, Nicaragua llaktapi Mamallakta Tantanakuyman rirka, chaypi René Núñez Pushakwan Tantarirka, kipaman Grupo de Amistad con Ecuador tantariwan tantanakurka, manarak ishkantin Mamallakta Tantanakuy yuyarinakuyta charishpami kay tantarita charirka.
Tutaka Gabriela Rivadeneira, Policía Nacional de Nicaragua kamaywasiman chayarka, kay kamaywasita pushakwan tantarirka, payta chanishpa Aminta Granera, chishi mikuyman, takima, kushikuyman kayarka.
JC-kichwa
