Kay “Diálogo Nacional de Mujeres Municipalistas hacia el empoderamiento de las nuevas normativas con enfoque de género”, rimanakuymanta, Gabriela Rivadeneira, Mamallakta Tantanakuyta pushak rimarka: kamachiy killkakkuna, warmi Kitipushakuna, warmi kunakkuna, shuktakunapash warmi kari paktapakta kachun llankanka, kay Ecuador llaktapi warmita waktay ama tiyachun llankanka.
Kay Asociación de Mujeres Municipalistas del Ecuador (Amume) tantariman kimirishka warmikuna hunta ñawpakpi, Mamallakta Tantanakuyta Pushak, kamachiy killkakkuna, warmi Kitipushak, kitimanta, pakllamanta warmi kunak mashikuna tantarishpa llankana may mutsurikmi kan, “kari warmi warmipak hayñikuna paktachun llankashun nirka, maypi llankakpipash paktapakta kachun nirka”.
Gabriela Rivadeneira warmi kunakkunaka "paypak llaktapi kamachiy killkakmi kan nirka", chaymantami warmikunapak hayñikuna paktachun llankana kan nirka. Warmi kunakkuna “warmikunapak hayñikunata tukuy Ecuador llaktapi ukllankapa llankanami nirka”.
Mamalllakta Tantanakuyta pushak kay 8 watapika warmikunapak llankayka chaypimi kashka nirka, chayka mirarishkami. Llaktaypi kan, kunan warmi kamachiy killkakkunaka 41% patsakriman paktan nirka, kay Mamallaktapak ushayta kimsa warmimi pushakun nirka, kay suyupi mushukmi kan.
Hunu warmikunapak munayta, paktakayta, paktana yuyayta aparishkami kanchik. Mutsurik kamachiykunata killkankapa arinishkami kanchik, ñukanchikpak warmi mashikunapak yuyayta paktachinkapami kanchik.
Ñukanchik kamachiy killkakkunapak llankayta kariwarmi paktapakta kachunmi kan, chaymantami Código Orgánico Integral Penal (COIP) kmachiyta arinirkanchik, chay kamachiyka warnmi kashkamanta wanachikmi kan, warmita tukuysami waktayta wanachikmi kan; kay Creación de los Consejos Nacionales para la Igualdad kamachiyta, tukuy llaktakuna tukuylllapak llaktayta mirachinkapa, tankankapami kan, imashinami kay Código Orgánico de la Función Judicial kamachiyta mushukyachirkancvhik, warmita rikuk kamachikkuna tukuy llaktakunapimi kanka.
“Yuyashkata tukuyta paktachishpapash, imatalla rurana sirikta mana kunkarinachun kanchik, warmikunaman llankanata chayrak charinchikmi, chayrak paykunaman manuta charinchikmi”, shinami achiklla rimarka.
Mamallakta allichirishka waktayman llukshirinami kan, waktana paya yuyaymanta llukshirinami kan, rumiyashka rikuykunata anchuchinami kan, shuktakkunamantapash llukshinami kan, shinami kari warmi pakta pakta kachun yuyayta wallpana, runakuna paktapakta kawsachun, shinami Gabriela Rivadeneira rimarka.
“Warmikuna tantarina, tukuylla llaktayta wallpay mushuk llankay ukupi kachun, sapan llaktakunapi tiyachun, kamaywasikuna tantarikunata chaskinka punkuta paskashkata charichun, runapak tantarikuna yachashkata riksinkapa ama wichkarichun” nishpa yapa rimarka.
Kay “Diálogo Nacional de Mujeres Municipalistas hacia el empoderamiento de las nuevas normativas con enfoque de género” hatun tantaripi karka, chayka José Mejía Lequerica ukupimi karka, kay Consejo de Participación Ciudadana y Control Social pushak, Fernando Cedeño kaypi karka; Amume pushak, Aracely Calderón kaypi karka, Diego Vintimilla kamachiy killkakpash karka.
JS/jc-kichwa
