Kay Grupo Parlamentario por la Garantía kari warmi wawakunapak, imillakunapak, malta runakunapak hayñikunata minkashka kan, Marisol Peñafiel kay rimankuyta pusharka, Mamallakta Tantanakuypak wasi José Mejía Lequerica ukupimi tantarirka, Día Nacional de la Niña puncha kakpimi tantarirka.
Kaymanka wawakunata rikuk tawka tantarikunami shamurka, shinami: Unicef, Plan Internacional, Consejo Nacional para la Igualdad de Género, Consejo Consultivo de Niñas, Niños y Adolescentes, Ministerio de Coordinación de Desarrollo Social, shuktak tantarikunapash shamurka.
Kamachiy killkaypi ushaykuna
Pay Gabriela Rivadeniera Mamallakta Tantanakuyta pushak, Nicole Cachago wawapak yuyayta hapishpa, Puembo llaktamanta willakkunapak yuyayta hapishpa, kay wawakunaman imatalla kamachiy llankaypi wawakunata ukllashpa ushashta kaypi kak wawakunaman rikuchinami kan.
Utkachikwan, Mamallakta Tantanakuywan ishkantin llankashpami tukuylla llaktayta, waktayta, anchuchinkapa, warmi imillakuna chichuyta ashayachinkapa kamachiyta, warmikuna wasipi llankaymanta alli kullkita kuchun yuyachina, sumakkawsay ukupi alli yachayman yaykuchun, Ecuador llaktapi kawsak 14 hunu runakunamanta, 5,4 hunumi 18 watamanta urayman kan, chaymanta 2,6 hunumi wawakuna, imillakuna kan.
Kay Consejos de Igualdad wiñachishka; (COIP) kamachiyta arinishka, kay kamachiymi warmi kakpi wañuchishkata, hatun llakikuna tiyashkata kichkichin, yuyaypi, warmi kakpi waktashpa, ayllu ukupi llakichishkata wanachin, shinallatak warmi wawata yumayta kamachiywan kichkichinka, warmi wawata ukllanka.
Ashtawan, COOTAD kamachiyta allichishka may sumakmi kan nirka, kay kamachiywanmi wawakunata kamak kunakta wiñachirka; Ecuador llaktawan, Guatemala llaktawan Memorando de Entendimiento yuyarita killkashkata rikuchin nirka, kaywanmi mana kamachiywan runakuna pushanata shayachishun nirka, wawakuna, wamrakuna mana kamachiywan pushayta pitishun, shinami Dile No a la Migración Riesgosa yachayta paktachishun; kay Código Civil 18 watata paktachishpa sawarina nirka, shuktak kamachiykuna hawapash rimarka.
Paypak manyamanta, Marisol Peñafiel ishkantin (Utachik, Mamallakta Tantanakuy, runakunapash minkapi llankashpa) runakunapak llaktayta ruranka, kaymi hayñita kaman, ashtawankarin, yaykurik, pakta pakta, tawkapi shuklla kawsaykunata, yachanata rikuchin, kay yuyayta yanapashpami tukuy sami waktayta tukuchishun.
Wawakuna mana runashina wañushkata washaman sakina, wamrakuna chichuyta, wamrakuna chichushpa ñawpakman sumakta kawsanata sakichishkata harkana nishpa tukuchirka.
MG/pv/jc-kichwa
