Wawakuna Wiñarinapak “Uchillakunapi hatunta yuyashpa” shuti Rikuchiykuna puchukaypimi Mamallakta Tantanakuyta pushak, Gabriela Rivadeneira apukka, llakta pushakuna, llaktayukkuna, wasi ayllukunapash pakta makipurashpa Ecuador llakta wawakuna alli wiñayta charichunka llankashpa katinaka kanchik nirkami.
“Wawakuna wiñarinapi pakta yanapayka Ecuador llaktapaklla ushay mana kachu, ashtawanpash kari warmi wawakuna yachakuk wasikunawan makipurashpami llankana mutsurin, yachayta kallarikuk wawakunapak yayamama kunan chayamushkamantami kushilla kanchik” nirkami.
Wawakuna Wiñarinapak “Uchillakunamanta hatunta yuyashpa” shuti Rikuchiykunaka llaktami Ministerio Coordinador de Desarrollo Social, el Ministerio de Inclusión Económica y Social (MIES) wasiwan, shinallatak Ministerio de Salud wasiwanpash ñawpakman pushakun, kaypika 0, 3 watayuk kari warmi wawakunata, ashtawankarin achka wakcha ayllukunata kamachiykunapi paktarishpa yanapanatami rimarirkakuna.
Mamallakta Tantanakuyta pushakka kay wata Centros Infantiles del Buen Vivir (CIBV) yachana wasikunapi 7 waranka pakta yachachikkunawan llaktakunapi kay wata llankashkatami riksichirka, shinallatak “Ñukanchik wawakunawan wiñashun” (CNH), kay wasikunapimi wawakunaka pakta: mikunata, yanapayta, chinkayashpa yachaytapash chaskin.
“Shamuk watakunapika wakllirishka, shitashka kari warmi wawakunaka ña mana tiyanachu kan. Kayshina llakikunaka kullkiwan llankaywan yanapana nishpa llankaymantami ashtawan waklliriyka sinchiyachirka” nirkami.
Kay ruraykunaka, Centro de Exposiciones CEMEXPO wasipimi paktarirka, kaypika Ministra Coordinadora de Desarrollo Social, Cecilia Vaca Jones, shinallatak Ministra de Inclusión Económica y Social (MIES), Betty Tola pushakkunami rimarkakuna, paykunapak pushaywan llankashkata riksichirka, shinallatak llakta pushak wawakuna yanapanapak llankashaktapash willarkakuna. Kay ruraykunamanka Ximena Ponce shinallatak Marisol Peñafiel apukkuna, Francisco Carrión runa, Secretario Técnico Nacional del Consejo para la Igualdad Intergeneracional tantanakuyta pushakpash, shuktak pushakkunapash chayarkakuna.
Kay “Llaktapi wawakuna wiñarinata rikuk llankaypika” yachachikkunapak, mama yayakunapak, llaktapi llankakunapak, Gobiernos Autónomos Descentralizados (GADS) tantanakuymanta minkashka wawakunamanta imapi llankashka willashkatami chaskirkakuna. Paktana: rurana, makipurashpa, pakta llaktaykuna charina, rikuranapak yanapaykuna chayachina, wawakunapak mikuna charina; wawarik kakpi yuyayta kuyuchina, allita karanapash.
JS/CV
