Guayaquil llakta willachikkunawan rimanakuypi Mamallakta Tantanakuyta pushak, Gabriela Rivadeneira apukka, Kamachiy Awlli llankashkata shinallatak kay watapi imalla paktanapak churashkatami willachirka, kay shamuk punchakuna llankanapakka Allpa kamachiy, Defensoría Pública, Zirma kamachiy, shinallatak, Seguridad Social kamachiy ruranapimi llankakunchik, nirkami.
Mamallakta Tantanakuypi llankashkamanta rikmashpaka, tukuy llaktakunapimi ayllukunawan, tantanakuykunawan makipurashpa rimarishkanchik llankashkanchikpash nirkami.
Kayshina makipurashpa llankaywanmi mushuk Código Orgánico Integral Penal (COIP) kamachiyta rurashkanchik, kay wanachina kamachiypika mushuk llakichiykunatami riksichirkanchi, kay shina warmi kashkamanta wañuchiy, wiwakunata llakichiy, pachamamata wakllichiy, ayllukunata mintalay, kullkimanta wañuchiytapash mushuk llaichiykunatashina riksichishpa churashkanchik. Shinallata kay kullkita rikuk mushuk kamachiywanka Ecuador llaktayukpak kullkitami wakichikunchik, 1999 watapi kullki chinkariy kutin ama tiyachun, nirkami.
“Kunanka llaktayukkunawan makipurashpa sinchiyanapimi Kamachiy Awllika llankakun. Kay wata llankanapakka mirka paktanakunatami churarkanchik, shinapash tawkatami ña paktashkanchik”, nirkami.
Kamachiy Awllita pushakka, rurarikuk tawka kamachiykunami llaktayukman riksichiynapi kan, Allpa kamachiy shina, kay kamachiy ruranapakka Ecuador llaktapi tarpuk runakuna, paklla runakunami mañaykunata yuyaykunataka chayachishka. Kay rurarina kamachiytaka Guayaquil kiti ayllukunawanmi rimanakukun, Mikun Unanchay minkarishka apukkunami mañaykunata tantachikun. Mashkayka llaktapi tarpuy mushukyayta, llakta llankay mushukyaypi yanapanatami mashkakun, kashinaka llaktapi llankashkata ista llaktakunaman mintalay mirachunmi mashkakun, nirkami.
Rivadeneira apukka, Defensoría del Pueblo, Zirma kamachiymantapash rimarka. Kallaripi rikuchishka kamachiymantaka ñami apukkuna shuk niki rimanakuypi yallirka, kay kamachiywanka llaktayuk kamayta chayachunmi yanapanka, shinallatak llakta yanapayta alli chaskinatami yanapanka nirkami, shinallatak kayshun kamachiyka 2014 watapak ñami tiyanka, kayshinami kamayta charishun nirkami.
“Shinallatak Hidrocarburos kamachiy mushukyachinapi llankakunchik, shinallatak Pachamamata rikuk mushuk kamachiy charinapak, kay rurarina killkataka Mamallakta Tantanakuypi Pachamamata rikuk Minkarishka ukupimi llankakun” nirkami.
Mamallakta Tantanakuyta pushak apukka, Llakta Yanapay tukuy ayllukunaman chayanami kan nirka, kay kamachiywanka wasipi llanka ayllukunapash yanapayta chaskinami kan. Kayshina rurarina kamachiyka, Código de Ciclo de Vida, shinallatak Ley del Anciano kamachiywankmi pakta tinkirishpa llankanka, shinallatak kaypika wachanata rikuk kamachiywanpash tinkirinka, shina yuyayka wamrakunata yanapanata mashkakun “kayshinami tukuykuna kimirichun rikunka" nirkami.
“Mamallakta Tantanakuyka punchantami mana samashpa llankakun. Ecuador llaktayuk ñami achka pachakunata shitashka kashka, kunanmi pakta llankanapak pachakuna tiyan, llaktayuk pushanapak akllashkamanta”, Rivadeneira apukka, nirka.
Mamallakta Tantanakuyta pushakka, Wampuna anta chayana kitipak Kamachiy Awlli wasipi rimanakurka, kaymanka Mamallakta Tantanakuyta kipa pushak Marcela Aguiñaga apuk, shinallatak Guayas marka apukkunawanpashmi chayarka.
JS/CV
