Kay Grupo Parlamentario contra la Pobreza y la Desigualdad rikuk, Ximena Ponce León, kullki ñankunata, runa wakchaykunata wichkankapa, tukuy Hatun kamachikkunapak patata tantarichimi chullanyayta wichkankapa ñanta kunka nirka, shinami Ecuador llaktapi kawsak runakunapak sumak kawsayta paktanka mutsurin.
Kay willaykunata Hatun Kamachikpak ukumanta rikukpika achka ñawpaykuna tiyashkata rimarka, ashtawankarin ñankuna allirishkapi, ñanta unanchaykunapi achiklla rikurin, kutin kupakunata tantaypi, mapa yaku larkapi, allichinapi, chirli yaku charinapi mana shinachu kan, kay llankaykunapi washayashkamanta llaktayuk mana kushilla kan.
Wakchayay, chullanyay wallpata rikushka kipa, kayka tiksi mitachikunatami rikuchin, kay mutsukuykunamanta llukshirinkapaka Hatun kamachikkuna, kikinllatak karupi kamachikkuna ishkantin puramanta llankashpa, llaktayukpak mutsuykunata rikushpa anchuchinami yalli mutsurin.
Kamachikkuna chikan chikan patakuna llankayta sakinami rikurin, llaktaypi willashkakunata paktachinami kan, llaktata yanapanami rikurin, shinami Ximena Ponce, Grupo Parlamentario contra la Pobreza y Desigualdad rimarka, yachaypi, wawakuna tutamanta mikuypi ashtawan yanapana nirka.
Wawakuna tutamanta mikunamantaka allikunami uyarin nirka, kunanka kay Instituto de Provisión de Alimentos, kay Ministerio de Agricultura y Ganadería, rikunata charin nirka, uchilla llankakunami rantikuy pacha murukunata katuna, wawakunaman mikunata chayachina illan nirka, chayka alli mikunata charina, allikawsayta charinami mutsurin.
Yachay hawa, kari warmi wawakuna chikan chikan yachanata anchuchina alli kan nirka, kay chullankay, wakchayay kitipi, pakllapi shinallatakmi kan nirka, sapan markakunapi yachakukkunantin llankashpami kay yuyaywan chayana nin.
Kay yuyaykunata shamuk mushuk mita llankaypimi rikuna kanka, chaypakka imanikkunata pallanami kan nirka, Mamallakta tantanakuypi shuk imanikta hapina ninmi.
Kamachiykunata mushukyachina
Kay Ximena Ponce kamachiy killkak, Grupo Parlamentario, Economía Popular y Solidaria kamachiyta mushukyachina nin, Mamallaktapi kapukyayta amuklla kachun allichina nin, imashinami, yachakukkuna churarinata allichina, yachakukkunapak mikunata allichina, allimikuyta mana charikta anchuchinka nin, kaymi may mutsurik kan, allikawsayta charishpa mana unkuna nisha ninmi.
JLVN/pv/jc-kichwa
