Shamuk inti pucha, 18h00 sayllapi, Ecuador llaktapak Mamallakta Tantanakuy wasipi Ishkaychunka Kimsa kutin Foro Parlamentario Asia Pacífico tantari pusharinka, shinallatak kulla killapak, chilla, 4 puncha tukurinka, kachashka pushakkuna wankurishpa shuti aspiwanmi, hatun willayka rikurinka.
Kallarichi tantarika, Mamallakta Tantnakluy wasipak Salón Nela Martínez ukupimi kanka. Chaypimi Foro Parlamentario Asia Pacífico tantarita pushak, Yasuhiro Nakasone kmachik Ecuador llaktamanta, Gabriela Rivadeneira rimanka, payka 23 Foro Parlamentario Asia-Pacífico pushakmi kan.
Awaki, 12 puncha, 09h30 sayllapi, Jorge Glas Mamallakta Kipapushak, paymi kay "Situación Regional en Política, Seguridad y Economía" hawa yachachinka. Manarak tantarishpa 09h00 sayllapi, Comité Ejecutivo del Foro Parlamentario Asia-Pacífico tantarita pushakkuna rimanka, chawpi puncha kipa tukuykuna tantarishparimanakunka.
Kallari rimanakuypika ista llaktakunamanta: llaktay, kamay hawa rimanka; kasikayta sinchiyachinamanta, suyupi kamay tiyachun, ciberespionaje hawa rimanka, kikinlla hayñita charina, willaykunata kamana kan.
17h00 sayllapi, iskaykutin tukuykuna tantari kanka, kaypika mushuk llaktay hawa rimanka, mana llakipi urmankapa mushuk rikuyta charinkapa rimanka, ista llaktapura ancha hucha, manchachi hawa harkanamanta rimanka.
Wanra, 13 puncha, kulla killa, 09h00 sayllamanta, 10h00 sayllakama, Conferencia Magistral yachayta Ricardo Patiño Aroca rikuchinka, payka Relaciones Exteriores y Movilidad Humana hatun kamachikmi kan, Asia-Pacifico suyupi yanapaymanta rimanka.
Kay 10h00 sayllamanta, 13h30 sayllakama kimsakutin atinakuyta ruranka, chaypika suyupi, istallakunapi kullki hawa imashina kawsakukta rimanka: Asia-Pacífico 2014 watapi kullkiwan yanapanata rimanka, China llaktamanta willayta; mintalayta paskashpa yanapaymanta, kullki churaypi, unipak wiñariypi; unipak wiñariy llankaypi kullkiwan yanapaypi, achka kullkiwan llankaypi mushuk wallpay hawa rimanka.
Chuskuniki tantaripi, 15h30 sayllamanta, 7h30 sayllakama, “Cooperación Regional en la región Asia-Pacifico” hawa llankanka, tantarikuna tukuypak kachun rikunka (kasikaypak, kishpiykaypak, llakta ushaypak, kullkiwan alli kachun yanapanka); wakaychina hawa; suyupi kawsaytarpuyta mirachina hawa rimanka; runakunata ukllankapa tukuy llaktakunapi shinallatak kamachiywan llankay kachun, runakunapak hayñita pushana.
Kay 18h00 sayllamanta, 19h00 sayllakama pichkakutin tantari pusharinka, chaypika "Cooperación Regional en la región Asia Pacífico hawa rimanka. Hatun tukuñiri llakikuna tiyakpi, kunuk chiri rantinchirikpi yanapanka"
Chilla, 14 puncha, 11h00 sayllapi, tukuri tantarita ruranka, tukuykuna arinishkakunata mallinka, kachashka pushakkuna shutita aspinka. Parlamento Organizador del 24 Foro Parlamentario Asia-Pacífico pushak rimanka, Ecuador llaktamanta, Gabriela Rivadeneira Mamallakta Tantanakuyta Pushak rimanka.
PV/jc-kichwa
