Shamuk hunkaypi wanra punchami Mamallakta Tantanakuypi Istallaktakunapi Kamachiy Awlli yachay, Centros de Pensamiento Parlamentario tantanakuywan, Chile, México, Ecuador shinalaltak Unión Europea suyu llaktakunamanta yachachikkunami chayamunka.
Kay rimanakuypika Eduardo Castellanos runa, Instituto de Investigaciones Jurídicas, Universidad Autónoma de México wasipi yachachik; Ignacio Diez Parra, del Servicio de Estudios del Parlamento Europeo (Unión Europea) suyu llaktamanta; Gonzalo Vicente Molina, de la Academia Parlamentaria de la Cámara de Diputados de Chile llaktamanta; Diego Pérez Enriquez, de la Escuela Legislativa de Ecuador llaktamantapash.
Rimanakuyka shamuk hunkapak wanra puncha 15h00 sayllami, Mamallakta Tantanakuyta pushak, Gabriela Rivadeneria apuk allishamushka rimaywanmi kallarinka.
Chay kipallatakmi doctor Gonzalo Vicente Molina, Director Ejecutivo Academia Parlamentaria de la Cámara de Diputados de Chile llaktamanta runaka Kamachiy Awllipi yachay katinamanta, shinallatak karuyachina, willachinatapashmi yachachinka.
“México llaktapi Kamachiy Awllipi yuyaypaktarina, llankay wasipura yanaparinatami” Eduardo Castellanos, México llaktamanta runaka yachachinka.
Doctor Ignacio Diez Parra, de la Unión Europea suyu llaktamanta runaka, tukuy chayamuk ayllukunaman Servicio de Estudios del Parlamento Europeo tantanakuy Kamachiy Awlliman imashina yanapashkata, yachaykuna sinchiyashkatami riksichinka.
