Kay Ishkay chunka kimsa niki kutin Foro Parlamentario Asia Pacífico rimanakuymanta, Quito llakta, Ecuador Mamallakta Tantanakuymanmi Austrialia, Browyn Bishop; Malasia, Abu Zahar Ujang; shinallatak Rusia, Valentina Matvienko llaktamanta apukkunatami kay kallariy kutin chaskirka.
Shinallatak, 17 llaktamanta minkashka chayamuk ayllukuna, kay hatun rimanakuyman chayamukkunaka China, Zhang Baowen; Indonesia, Fadii Zon shinallatak Malasia, Doris Sophia Brodi e Ismail Mohamed Said llaktapi Llaktay Tantanakuyta kipa pushakkunami chayamurka.
Ecuador Mamallakta Tantanakuyta pushak, Gabriela Rivadeneira apuk, -paymi kay kutinpi- hatun rimanakuyta pushakukmi tukuy chayamuk ista runakunata Mamallakta Tantanakuy wasi ukupi unanchaykunawan, napaywan rimashpa kay Foro Asia Pacífico tantanakuy kallarina ñawpalla chaskirka.
Shamuk pachakunapi Mamallakta Tantanakuymanta apukkunaka, paykuna shina llankak apukkunawan, minkashka chayamuk runakunwanmi rimanakuyta charinka, kayshinami kuchuklla kawsak llaktapura wiñarinapak makipuraymanta rimanakunka.
Hatun rimanakuy kallarichishka kipaka, rimanakuykuna, yuyay chimpapuraykuna kaya 12 puncha, kullka killa, 09:15 pachami kallarinka, kaypika Situación Regional en Política, Seguridad y Economía" yuyaymantaka Mamallakta Tantanakuyta pushak, Gabriela Rivadeneira apukmi rimanka.
EG/pv
