Kay 307 tantaripi, Mamallakta Tantanakuy, kay Comisión de Régimen Económico, Incentivos a la Producción y Prevención del Fraude Fiscal mushuk kamachiyman, willayta churashkaman tawka chikan chikan llaktay tantarimanta yuyaykunawan yanaparka, kaymi kapuk sapi mushukyachun yanapanka, kaywan uchilla, pakta llankak wasikuna Mamallaktata yanapanka.
Kay hawa ishkaykutin rimaypi Rocío Albán, kay mushuk kamachiy 60% patsakritami unipak kapukyachikkuna achka murukunata charichun yanapanka, shina allpapachapi kullki llankay hawa yanapachunmi rikuna kanchik nirka.
Kay Patricio Donoso kamachiy killkak, tantarishka uchilla llankakkuna ama churashka kullkita kuchun rimarka, mana shina rurakpika llakta ushay llankayta urmachinka, kullkita charikkunatapash llakichinkami nirka. Incentivos a la Producción kmachiyka, chukita surkukkunaman unipak kullkiwan mana yanapankachu.
Shinapash Ximena Ponce, kay mushuk kamachiyka manu kullkita kuchun kapuk sapitami yanapanka nirka, alli zirma llankay Ecuador llaktapi kawsak runakunata yanapanka, shinapash zirma yanunata rantikman 12% patsakrita churashka kullkita anchuchina nirka, kayka 600 waranka zirmaman yaykurishka runakunata yanapanka nirka.
Shinallatak, Cristian Viteri kamachiy killkak, zirma yanunata rantikkunaman Mamallakta yanapachun nirka, Utkachik mañachik mana kamachiyllawan paktachinachu kan, shuktak ñantapash mashkanami kan; kullkita llankaypi churakkuna llaktay alli kachunmi mashkan, Paco Fierro kamachiy killkak, Ecuador llaktata kullki hapik llaktata rurana nirka, kullkiyukkuna kullkita churachun achikllami sakina nishpa tukuchirka.
Shinallatak Linda Machuca, kamachiy killkak, mushuk kamachiy, mushuk makiruraypash achkata murukunata pukuchinkapa may mutsurikmi kan nirka, istallaktamanta shamuk runakunaman, mushuk llankaykunata rurakukpi churashka kullkita ama kuchun yanapanami kan nirka.
Kay Mallerly Vásconez kamachiy killkak kay Incentivos a la Producción mushuk kamachiy, Mamallaktapak kullki llankaykunata yanka, hapina, imashinapash tukuchichun rikunami kan. Shayri tukuna chanita mirachina hawa rimarka, allikawsayta wakllichik kakpi ashtawan llaki kan nirka.
Kay Luis Fernando Torres kamachiy killkak, Perú llaktapi wakinpilla katushpaka mana ima kullkitapash kunachu, mushuk kamachiyka katushpa, rakishpa, kushkamanta churashka kullkita kunami, kayta rikunami kan nirka.
Kay Fausto Cayambe, zirma yanunata, yaku kunuchikta rantik runakunaman IVA kullkita kunataka anchuchinami kan nirka.
MamallaktaTantanakuyta pushak, Gabriela Rivadeneira, 14:30 sayllata kutin tantarinkapa ashata samachirka.
JLVN/jc-kichwa
