Kay Biodiversidad minkashka, Carlos Viteri Gualinga kamachiy pushashka, ishkayniki willayta riksin, chayka aymuray killamanta, wayru killakama 2014 watapi llankashkami karka, Declaratoria de Interés Nacional kamachiymi paktarka, 31, 43 kuskakunamanta, Parque Nacional Yasuní allpakunamanta punkara surkuna hawami karka.
Mamallakta Tantanakuyka kallari sukta killapi punkara llankay willaytami riksirka, kay mushuk llankaywan chay ayllullaktakunata llakichina hawa, chay llaktapi llankana hawa kishpiyrishka tapuyta rurashkatami willarka; pachamamata mana llakichina llankay ñanta, chawa punkarata surkunkapa sumakruraykunata hapishka, Tagaeri, Taromenane kawsana llakta mana kutintak alliyana kuskakunata muyushka hawa riksichirka, shinami kawsay hayñita mana pakina, karupi kikinllatak kawsayta charichun willarka.
Tawkakumanta, Pamela Falconí kamachiy killkak, kay minkashkapak kipa pushak, kapak killa tukurinkakamami rikuchikkunawan chimpapurashpa rikunata charin, Mamallakta Tantanakuymanta utkachik willaypilla mana sakirinachu kan, chaypak rikuykunata churana, chay llaktaman riksinkapa rinami kan.
Chayachishka pankakunata killkakatishka kipa, kay minkashkakuna chay llaktata riksinkapa shuk purina punchakunata rikunka. Shinallatak paykunallatak karuyashpa kawsanata munak runakunapak hayñikuna imashina ukllashka kakta, tukuy sumakruray hillaykunawan imshina llankashkata rikunka. Katipika pachamamata riksishpa purina ñanta rurashkata, kunan pachapi punkara surkuy tiyakp imashina chapakushkata, churashka kamachiy paktakushkata rikunka. Shinallatak kay Declaratoria de Interés Nacionalm killkapimchurashka yuyaykuna paktakushkata riksinka.
Pachamamapak hayñikuna mana pakirikushkata rikuna kanchik, chay llaktapi kawsak runakunata kamana llankayñan imashina katikushkatapash rikunka, kay allpakunapi 1X1000 shutiyuk punkara surkuy katikushkata chapanka, kay allpakunata mana mapayachikushkatapash rikunami kan, Chevron-Texaco punkarata surkukshina wakllichichun harkanami kan, kuyukuna ama yallita wakachun uyana, pukarata surkushpa pachamamapi tukuy kawsakkunata, wakllkichikushkata riksishpa harkana.
JLVN/pv/jc-kichwa
