Kay Comisión de Gobiernos Autónomos pushak, Richard Calderón, kaya 14h30 sayllapak, Corporación de Finanzas Populares y Solidarias (CONAFIPS) pushakta, Geovanny Cardoso Ruiz; Corporación Financiera Nacional (CFN) hatun pushakta, Roberto Murillo Cavagnaro, Servicio de Contratación Pública (SERCOP) hatun pushak, Santiago Vásquez Cazar kamachikkunata kayarka, paykuna Sistema Nacional de Contratación Pública kamachiyta rikuchunmi kayarka.
Imashinami yuyachinchik, 24 puncha, pawkar killa 2015 watapi, kay Sistema Nacional de Contratación Pública kamachiyta kallari atinakuyta charirka, chaypimi tawka kamachiy killkakkuna yuyayta churarka.
Kay Gobiernos Autónomos minkashkata pushak, Richard Calderón, kay kamachiyta mushukyachishpa runakunata yanapanka nirka, pachamamata alli charinkapa, tantarishkakunata yanapanka nirka. Chaypak, Mamallaktapak kamaywasikuna, tukuyta yanapana kakpi, Mamallakta charishka kakpi, charishkata kichuna nishpa hatun willayta churanka, mashna chani kakpipash, kamachiy rimashkata katishpa, asha kullkita tikrachinka. Mamakamachiypak 323 nikita katishpa tukuy sami kichuytami harkan.
Kunanka pampakuna yanka katukuy chanikuna ashtawanmi mirarishka, shinami kamachiy killkak rimarka, imashina kashka chanita katishpami kullkita kuna nirka, shinapash chaypak yalli kullkita anchuchishpami kuna kan.
Tukuypak charina kakpika, shukpak charishkakuna kakpipash, kamaykuta rurashpa churashka chanikunata katishpami hapina kanka, kikinllatak karupi kiti kamachikkuna churashka kipukunami kanka, pichka watapak Mamallakta kipushkatami urayachinanka, kay kamayku purikushkata rikushpami paktachinka.
Kay Richard Calderón kamachiy killkak, ishkay kutin atinakuyta charinkapa kimsa hatun kamachikkuna rimashkami mutsurin nishpa rikuchirka.
Kipaman, kamachiy killkakkuna kay Ordenamiento Territorial, Uso y Gestión de Suelo hatun kamachiyta allita rikunkakuna.
JLVN/pv/jc-kichwa
