Kay Sapsi Hayñi Tantaripak, Código de Ciclo de vida kamachiyta allita rikushpa llankanka, kay kamachiymi wawakunapak, malta runakunapak, yuyakkunapak kamachiyta tantachinka, kayka: mushuk, hatun llankaymi kanka, Mamakamachiywan kimirishkami kan, shinami Zobeida Gudiño kamachiy killkak willarka, payka tantarita pushakmi kan.
Kay yuyayta paktankapa, utkachikpak yuyayta hapin, Consejo de la Niñez y Adolescencia, la Defensoría del Pueblo kamaywasikunapak yuyayta hapin, rukukunapak tantarimantapash yuyayta hapin.
Kay llankaykunawan chikan chikan runakunapak mutsuyta tikrachinchik Warmi kamachiy killkak, kaywanmi wawakunata, malta runakunata, yuyakkunata ukllanchik, shinami tukuykunapak Sumak Kawsayta kamanchik, shinallatak wawakunapak, wachaypak, yuyakkunapak, imillapak paya kamachiyta anchuchinchik.
Kay kamachiyta killkashpa ñami achka pankakunata charinchik Zobeida Gudiño nirka, kay mushuk mita llankaypi yuyaykunata pallashpa katishun nirka, shuktak kamaywasikunapak mushuk yuyayta hapishpa katishun nirka.
Kay Defensoría del Pueblo kamaywasi, imashinami Orgánica de los Consejos Nacionales para la Igualdad kamachiyta rikushpa, hayñita ukllana llika kamachiyta killkanka, kallarik pankakunata killkashkata rikushpa achikllami sakina kanka yuyani.
Warmi kamachiy killkak kay kamachiy wallparishpa killkarikukta hapichun llaktayukkunata kayarka, kay mushuk Código de Ciclo de Vida kamachiy kallarik killkakunata allichinka, kayka Derechos Colectivos minkashkapak makipimi kan.
JLVN/pv/jc-kichwa
