Kay Justicia y Estructura del Estado Minkashkata Pushak, Kamachiy killak Mauro Andino, Mamallakta Tantanakuy manarak samarinkapa llukshikpi, Código Orgánico General de Procesos (COGEP) kamachiy hawa willayta shukniki atiri kachun chayachinka.
Kay pacha katikuypi sapan uchilla tantarikunapi llankashkata rikunka, kipami shuk kamulla killkarinka, chay washa tukuykuna apuchita kuchun churashka kanka.
Kay 7 puncha, sitwa killapi, 178 yupay tantaripi willayta killkay kallarirka, 1 uchilla tantarikunapak yuyaykunata tantashpa kallarirka, kay tantaripika: Mauro Andino, Luis Fernando Torres, Gabriel Rivera kamachikkuna tantarirka. I, II kamukunamanta rimashpaka hatun katikuyta, katikuy llankaymanta, nikishpa katirka.
Ecuador Mamallakta mushukyachun tawka llankaykunamanta COGEP kamay ruraymi kan, shinami, Mauro Andino Reinoso nirka, mushuk kamachiyka katikuyta nikina yuyaytami tukuy katikuypi charin nirka, Código Orgánico Integral Penal (COIP) kamachiypimi mana shina charin, shinapash allinta rikushkami kanka.
Rimashka Katikuy
Katikuyka tantarikunapi rimashkatami paktachin nishpa willarka, rimashpalla willana kakpillami mana shina kan, wakaychina ukupi kakpi mana shinanachu; Mamakamachiypi, istahillaykunapi, Código Orgánico de la Función Judicial kamachiypi, kay kamachiypi rikuchishkata katishpami katikuyta paktachina kan.
Paktarakinata, kawsayyachayta, kamachiyta, yuyayta, katikuy chanita rikunami kan. Kari warmi kishpiychikkuna kamachiy tiksikunata achiklla, paypak nishka imamanta kashkata rikuchinatami charin.
Paktakayman churashka tukuykuna riksishkami kanka, imashinami tukuylla tantarikuna, kamachiyta arinishkakuna, kamayta arinishkatapash shinallatakmi rurana kan. Kikinkayta, kikin chanita, alli shutita, mayhan runata ukllankapa kakpimi hawata yallishpa sakina kanka.
MG/pv/jc-kichwa
