Kay 250 runakuna chaypi kaywan, paykunaka paktakaywan llanakkuna, marka Paktakay Wasi, Wanachiy Kamachik Tantari Kamay kamachikkuna, paktakay tantari, kishpiychikkuna, kamachiy yachak llankakkuna, tukuylla mitachikuna, kishpichikkuna, tukuy llaktayukkuna; chay Auditorio del Sindicato de Choferes de Zamora Chinchipe tantarirkakuna, chaypimi Manejo Adecuado del Código Orgánico Integral Penal (COIP) kamachiyta yacharkakuna..
Kay yachayka, Zobeida Gudiño kamachiy killkak pushashkami karka, chaytaka Escuela de la Función Judicial del Consejo de la Judicatura yanapaywan rurarirka, ishkay pachapi pusharirka, chaypimi yachachikkunaka: COIP kamachiyta paktachikushpa llakita charishkata rimarka; hatun kipita, uchilla kipita pushana, mikuna, muspachik miyuyta mikuy, Código kamachiypi tiyakwan wanachishpa; mana kinkushpa katina, mushuk sami wanachiy; wichkana wasipi kamana; shuktak akllashka katikuykuna; Código Orgánico Integral Penal kamachiywan mana pantashpalla llankana.
Kay Escuela de la Función Judicial pushak, Tomás Alvear kamachik, kay yachayka (Loja, Zamora Chinchipe kamachikkuna yachachirka), wanachiypi kamachiywan paktashkata yachachina yuyaytami charirka, kay Código Orgánico Integral Penal kamachiyta allita rikuna, kamachiywan takarishka llakikuna, huchakuna, ayllu ukupi llakikuna tiyashkata rikuna.
Pay rimashpa, Zobeida Gudiño kamachiy killkak, kamachiyka Ecuador llaktapi huchakuna tiyakta katikachashpa wanachinatami achiklla rikuchin, shuk hatun chanika kimsa hatun may mutsurik kamachiywan punchanta paktachishpa llankaytami rikuchin
Kay COIP kamachiyka payllatak hatunmi kan, mayhankuna wanachishpa paktakayta kamashpa punchanta llankakkunapakmi shina rikurin, chayka kishpiychikunapak, kamachiy rikukpak, ukllakkunapak. “Chikan kamachiy riksikkunapak mushuk llankaymi kan, huchakunata taripak tantarikunapak, wanachi katikuyta rikukkuna; shinallatak, takashkakunaman, wanachishka runakuna”, shinami rimarka.
“Mamallakta Tantanakuymanta munayka, Código kamachiyta killkakushpa pacha, llaktakunaman kuyaywan, alli kamachiyta kunami karka, paykunami COIP kamachiywan llankashpa runakunapakman paktachin, imashina katikuiyta sumaychashpa paktakayta rikuchin”, nishpa rimayta tukuchirka.
JLVN/pv/jc-kichwa
