Kay kamachiykunaka Ordenamiento Territorial, Uso y Gestión del Suelo kamachiy; General de Servicios Postales kamachiy; Régimen Especial de Galápagos kamachiy; Sistema Nacional de Contratación Pública Hatun kamachiy, kay kamachiykunami Comisión de Gobiernos Autónomos tantari shamuk mitapi llankanakuna kanka, shinami Richard Calderón minkashkata pushak rimarka.
Kamachiy killkak, kay Ordenamiento Territorial kamachiy hawa, kamachiy killkakkuna samarishka kipa, kallari tantaripi, minkashkakuna Secretaría Nacional de Planificación y Desarrollo (Senplades), Asociación de Municipalidades kamachikkunata chaskina ninkuna, kay kipami kallari atinakuypak shuk willayta killkanka.
Kay mushuk kamachiyta riksichikushka llaktakunamantami tawka yuyaykunata pallashka kan, kay Mamallakta Tantanakuypak ukupimi Desarrollo Urbano y Vivienda, Diego Aulestia rimashka uyarirka, paykunami kay rikuykunata chayachirka.
Ishkayniki atinakuypak allichirinkapa achka llaktayukkunawan rimanakunarakmi kan nirka, chayta Mamallaktapak tawka markakunapi pushana kan, nishpa mirachishpa rimarka.
Kay kamachyka Mamallakta kamachikkunaman, markakunapak kamachikkunaman hillaykunatami churan, chaywanmi llaktakunapi allli llankayñankunata ruranka; tiksi mitachikunawan, samarina pampawan wasita rurachun yanapanka, shina tuñirinalla pampakunapi ama wasita rurachun, shina rurashpami Mamallakta wiñariychun yanapanka.
Kay Servicio Postal kamachiy hawa, pawkar killa tukuripimi ña ishkaykutin atinakuyta charichun ña killkashka kanka. Kay kamachiywanmi Ecuador llaktapi kawsak runakuman Irpa Unancha yanapayta tukuy llaktakunapi kunka, willaykunata allita chayachinka, mana panta willaykunata chayachinka.
Ranti, Sistema Nacional de Contratación Pública kamachiy kallari atinakuypak kunan watapak ayriwa killakama ñami killkashka kanka. Kay mushuk kamachiyka hatun kamachikta, yanapay llankaykunata rurashkamanta allpakunapak chanita wichiyachichun yanapanka. Shinallatak kitikunapi allpata yanka hapishpa ama katuchun harkanka, saywanka; tukuy llaktakunapi pakta pakta llankay yanapaykunata chayachinka, tukuylla llankay yuyarita utkashpa paktachinka.
Richard Calderón kamachiy killkak, kay Régimen Especial de Galápagos kamachiypash ishkayniki atinakuypak ayriwa killapi ñami kanka nirka. Kay kamachiyka tantarishka runakuna utkashpa llaktakunapi wiñariychun, kapukyachichun yanapanka, pachamama llikata ama wakllichichishpa wakaychichunpash yanapanka.
Mamakamachiy kachashkamanta, mushuk Galápagos kawsayman yaykuchinkapa, kamachiyta yapa allichishpa, chay Consejo de Gobierno del Régimen Especial de Galápagos tantari; llaktayukkuna mañashkamanta tawka tiksi yuyaykunata tiyachinka, chayka Buen Vivir kawsaymi kanka, chaywanmi yachaypi, allikawsaypi yanapaywan allichirinka, shinallatak Archipiélago llaktapi llankana pachatapash rikunka.
Kay Richard Calderón kamachiy killkak, Comisión de Gobiernos Autónomos tantari, Ecuador llaktapi kawsak runakuna paykunapak kawsayta allichichun achkata llankarka nishpa rikuchirka.
JLVN/pv/jc-kichwa
