Kay Comisión de Soberanía y Relaciones Internacionales (UNASUR) tantaripak hatun pushakwan shuk llankay hawa rimanakuyta charirka, chay kamachiyka Ernesto Samper shutimi kan, kay suyupi ashtawan tantarinkapami llankanka.
Kay tantaripimi Rosana Alvarado kamachiy killkak karka, Mamallakta Tantanakuypak paymi shukniki Pushak kan, Loja kitimanta, José Bolívar Castillo kamachikpash shamurka.
Kay Fernando Bustamante Ponce kamachiy killkak, minkashkata pushak, Samper pushak llankamushkata rimarka, kunanllami UNASUR hatun wasipichayta rurarka, Quito kitipi, Ecuador llaktapimi sakirin, tukuykuna llankayman yaykurinkapami alli rikun, chaywanmi Patria Grande llaktata wallpanka.
Llanñanta riksina alli kan nirka, awllikkuna shuk ñanta rurana kan, chayman Mamallakta Tantanakuy. Yaykurinaka llaktakunapak llankaymi kan, Bolívar muskushka, llaktakunapi chinchiyachinkapa nishpa mirachirka.
Kaymi suyupak pacha kan
Kay Ernesto Samper Pizano kay “kunanmi suyupi llanakaykunata rurana pacha kan” UNASUR tantaripak wasita llankachun yaykuchina kan, Quito kitipimi shayarishka kan, kaywanmi suyupak tantari wiñarin, mashna runakuna tiksi mañashkatami tikrachin, kasiklla kawsayta charinapami kan, llakta ushayta kamak tantarimi kan.
Kay Unión de Naciones Suramericanas llakta ushayta kishpiychishpa hawaman tawka llaktakunata pushankapami kan, imashina kawsakukpipash suyupi llaktakunapak hayñita punchanta paktachichunmi kan.
Kimsa llankaytami charinkas: runakunapi yuyanka, runakunata yaykuchinka, waka kawsaykunata allichinka, wakchayay llakikunata anchuchinka; kullki hawa llankanka, llankaypi mishanakunka, uchilla hillaykunapi llaktaykunata mirachinka, sumakrurayta rikunka, sumakruraypi yachachinka; shuk llaktayta wiñachinka, imatak llaktayuk kakta riksinka, 400 hunu runakuna kishpiyrishka purichun sakinka, 18 hunu tawa waranka tatki pampa allpakunapi purinka, kaypi purinata ushanka, llankanata, yachanata, yachashkawan llankanata ruranka, ista wasikuna llikarishkata rikunka.
Tukuripika, tinkirinakuywan CAN, ALBA, MERCOSUR chay ñanllatatak purichun rikuchinka, tukuypak kuskakta charinka, kimirinakuna hatun rimanakuna patakuta charinka.
MG/pv/jc-kichwa
