Pay Linda Machuca kamachiy killkak mushuk Defensoría del Pueblo kamachiy, Defensoría kamaywasita pantachin nishpa rimarka, kay wasipak apuyta, ushaytami pantachin nirka, shinallatak 2008 watapi Mamakamachiypi ushnushka hayñikunata willankapa, ukllankapa ñankunata pantachin nirka.
Atinakukuk pachapi, mushuk kamachiyta killkakuy pachapimi Participación Ciudadana y Control Social kamaywasi killkashkata rikuchirka, paymi kay kamachiyta pushanata makipi charin, rikuykunata, imashina nikikuna sakirinata, mushuk yuyaykuna yaykurinata rikuchirka, shinallatak Defensoría del Pueblo kamaywasi Ecuador llaktamanta ista llaktapi kawsak runakunata ushaykunata, apuykunata yaykuchina nirka. Shinami kay kamachiyka Mamakamachiypi churashka 215 nikita paktachinka nirka.
Kay Participación Ciudadana minkashka, purik ayllukunapak mutsuykunata, llakikunata rikushpa sarun wanra puncha rimashka yuyaykunata yaykuchirka, Defensoría del Pueblo llankana nikikunata churarka, chayka ukllana, willana, istapi kawsak runakunapak hayñita ukllanatami yaykuchirka.
Nushuk kamachiypak Defensoría del Pueblo kamaywasiman 71 nikikunata rikuchin, Ecuador llaktamanta kawsak kari warmi runata ista llaktapi kawsak runakunapak tiksi hayñikuna pakirishka kakpi utkashpa, chaypacha, allita yanapanka nirka. Shinallatak kamachiyka Defensoría del Pueblo kamaywasipak chusku apuykunata rikuchin, chayka willaypi, rikuchipi, hayñita yachachiypi kanka.
Linda Machucan kamachiy killkak, Mamallakta llankanatami rikuchirka, chayka Ecuador llaktamanta ista llaktapi kawsak runakunapak tiksi hayñikunata pushaypi yanapana, ukllana nishpa arnirka, chaytaka Mamakamachiypak 40 nikipi rimashkata paktachina nirka: Shinallatak Defensoría del Pueblo kamaywasimi chay llankaypak kayashka kan, chaypakmi kay kamachiy mutsurin nirka, shinami ñanpi churashka apuyta, katikuyta, ruranata paktachinka.
JC-kichwa
