Yachay Minkashka, Ximena Ponce pushashka Orgánica de Educación Intercultural (LOEI) kamachiyta, rimanakunkapa utkachirka, shinallatak Código de la Niñez, Adolescencia y Código Civil kamachiykunata, rimanakunkapa utkarka, bullying shutiwan karka.
Kunanpika Tania Arias tantariman kimirirka, chayka Consejo de la Judicatura tantari karka; Yachaypak Freddy Peñafiel kipapushak karka. Pay Marisol Peñafiel, del Grupo Parlamentario por la Garantía de Derechos de la Niñez, paykunami mushukyarikuk kamachiyta mana alli rikurka. Tisiku runakunata mana ukllan nishpa shitarka.
Tania Arias yachana wasipi, hatun yachana wasipi imashina kaktami rikuchishka kan nirka, yachaymanta yaykurishka yuyaykunata rimanami urman nirka, yachana karmapimi kan. Chayka Mamallakta Tantanakuy, yachana llika, paktakayta kamayta imashina kashkata rikuchun nirka. Llakikunamanta llukshinkapa kamachiyta, kamayta churanami kan, chayka yallita mutsurikmi kan.
Mushuk kamachiyka yalli wanachitami charin, kari warmi wawakunapak, imillakunapak hayñikunata kamanata mana rikuchinchu, Mamallakta imashinami rikuchin, wawakunata hawapi churashpa yanapanatapash mana rikuchinchu, kay hayñikunataka Mamakamachiypi, ista kamachiykunapi rikuchishkami kan.
Shinallatak, Freddy Peñafiel yalli wanachina yuyaytami charin nishpa riuchirka, wanachinapi llashak makita churashkami kan, shuk yachakuk llakita charikpi wanachinamanmi yalli sinchita churan, shina rurakpika hayñikunamanta karuyaytami rikuchin. Shinapash, yachakukta manchachishpa mana llakichinaka, Orgánica de Educación Intercultural kamachiypi, uchilla kamachiypi rikuchishkami tiyakun.
Llakirishkakunata, wawakunata yanapak hatun llikatami wiñachina kan, 140 Juntas Distritales de Resolución de Conflictos tantari ñami llankakun, ñallami yachakukkunata, yachachikkunata, yayamamata ukllanata yachachik pankakuna llukshinka.
Tawkamanta, Marisol Peñafiel kamachiy killkak, yallita wanachina yuyayka mana hayñikunata ukllanchu, kay kamachiyta mushukyachinaka hawallami kan, mana kamachiy ukupi tiksirishkachu kan, hatun munaykunawanmi takarin, Ecuador llaktapak kamachiyta pantachin, –bullying- nishkami kan.
Tukuchinkapa, Gastón Gagliardo, Ministerio de Educación mashna llakichishka tiyashkata rikuchichun nirka, shina mashna llaki llaktapi tiyashkata riksinkapa (kawsay llapi, kullkipi, wasipi llakikuna, shuktakkunapash kan).
MG/pv/jc-kichwa
