Kunan wanra puncha, kay hatun rimanakuypi 23 niki Foro Parlamentario Asia Pacífico tantaripi, "Cooperación Regional" hawa, Ecuador Mamallaktamanta, Ricardo Patiño istakamachik sinchita rimarka, payka Consejo de Seguridad de la Organización de Naciones Unidas, ONU hatun tukuykunapi llakta ushay tiyachun nirka, wakin Mamallaktakuna shitana hayñi charishkata anchuchina nirka.
Kay Consejo de Seguridad llankak kamachikkunaka suyukunamantami yaykurina kan nirka, shuklla akllashpa churashka llaktakunamantaka mana kanachu. “Allpapachapi tiyak llakikuna hawa tukuy llaktakuna atinakuna may sumakmi kana kan” rimarka, kay Naciones Unidas tantaripika tukuy suyukunamantami yaykurishka kana.
Shinallatak, América Latina, Caribe llaktakuna yaykurina tawka, maytsurikmi kashka, shuktak alli tantarikunaman yaykurishka, Pacífico pampapi tiyak tantarikunaman kimirishkata kamanka. “Kunanmi kay América Latina, Caribe llaktakunapi tantarikuna sinchiyakun ninata ushanchik, mutsurik kamaymi tukushka, paktakaywan yanapayta paktankapa mana paktachu kan”, rimarka.
Ricardo Patiño ista kamachik, 2014 watapi tukuy tantarikuna tiyashkata shuk kushikuyta kurka, shinami ñukanchik suyukuna tantarinka nirka, shuk manyamanta rikukpika, yanapay mirarikuktami rikurin, kutishuk manyamanta rikukpika mushuk paktaykunata mashkakuymi rikurin, ishkay chakatashka ñanpi sarurikmi rikurin: rimanakuyta mirachina, suyupura kimirinakuna; sur-sur yanaparina kanka.
Kay Relaciones Exteriores y Movilidad Humana, Ricardo Patiño Ista Hatun Kamachik, Tratados Bilaterales de Promoción Recíproca de Inversiones manarak yuyarita killkashpa, washa chunka watakuna llakipi kawsashkata yuyarin, Mamallakta shuktak Mamallaktakuna rikuchun sakirka, washa Mamallaktakupak munayta kamarka, kikin Mamallakta munaytaka mana pusharkachu. Ecuador llakta llaki kawaytami charishka, achka kullkikunatami tukuchirka, shinami Hatun Kamachik imashina kullki tukuchishkata rikuchun churarka.
Kay Comunidad de Estados de América Latina y el Caribe, Celac-China tantaripi yuyarikunata killkashta shuk napayta kurka, kushikuyta kurka, sarun punchakunapi 250 waranka hunu dólar kullkiwan yanapanata yuyarirkakuna, chay kullkika ñunkanchik Mamallaktapi shamuk 10 watapi hatun llankaykunata rurankapami karka.
Pay Patiño Aroca kay América Latina, el Caribe llaktakunapi tawka llankaykunata riksishpa rimayta tukuchirka, kay mushuk tantarikunata rurashpa katinkapa achkami sirin nirka, Foro Asia Pacífico tantarika llankaykuna rurashpa katina punkuta paskaymi kan.
EG/pv/jc-kichwa
