Mamallakta Tantanakuyta pushak Gabriela Rivadeneira, kamachiy killkakunata 290 yupaywan tantariman, 09:30 sayllaman kayarka, kaypika Instituto Ecuatoriano de Seguridad Social y del Banco del Instituto de Seguridad Social, Biess kamachiyta ishkayniki atinakuyta charinka, shinallatak Gonzalo Cortez Cervantes wichkashka runata kishpiychinkapa rimankakuna.
Llankakkunapak Hayñita Minkashka fondos previsionales cerrados rimana willaykunata arinirka, kay mushuk kamachiyka kullkikunata Banco del Instituto Ecuatoriano de Seguridad Social kamashka kachun yuyaytami charin nirka.
Kay willaypika fondos complementarios previsionales cerrados kamachiyta, Mamallaktapak kullkita imashinapash hapishka kashpa, chay kullkika Instituto Ecuatoriano de Seguridad Social, a través de su Banco kullkiyuk wasi kamashkami kankapa yallinami kan nirka, chayka sapan runakunami kullki wakaychina pankata charinka, chaywan kullkita surkunka. Kakamachiypak llankayka: kamaypi, achiklla kaypi, utkaypi, kullki tiyaypi, kullki miraypi, ushak tantarikunata rikuypi kanka.
Kay nishka fondos complementarios, tukuymanta chawpi shuk yalli kullki churak runakuna mañashka, chayta rikuktapash mañanatami ushan, shuklla runa kullkita kamanata charinka, chay kullkita shuklla kamana ushay charishkata rikuchinka; shinallatak churashka kullkikunata shukklla runapash charinata, churakkunaman kullkita tikrachinatapash rikuchinka, wawa kullkiwan tikrachinata charin, Mamallaktapak kullkita hapishkatapash rikuchinka, shinallatak wawa kullkinwan tikrachinka, chaytaka kay Banco Central del Ecuador kullkiyuk wasi imashina wawakullkita mirachina churashkata katishpa tikrachinka.
Kay Junta de Política de Regulación Monetaria y Financiera tantarimi kullkita churakkunapak kullkita alli kamachun imshina nikina llankaykunata churanka, chayka kay fondos complementarios previsionales cerrados kullkitami shina allita kamashpa llankachinka, runakuna llankaymanta payayashpa llukshishpa kullkita chaypi charishkamanta, kay Código del Trabajo kamachiyka allita rikunka.
Kay fondos complementarios cerrados imashina yaykurishka kakpipash, imashina mañachishka kakpipash, kay kamachiy arinirishka punchamanta 180 punchata yupashpa, kay Instituto Ecuatoriano de Seguridad Social kamawasipak kipupi killkachishka kanka, chayka kay Junta de Políticas y Regulaciones Monetaria y Financiera kamaywasipak llaktaypi, nikikuna ukupi kanka, ushay karmapi, shuktakkunapipashmi kanka.
Kishpichi
Kipaman kay Justicia y Estructura del Estado Minkashka rikuchishkata, Gonzalo Aurelio Cortez Cervantes wichkashka runata kishpichinkapa kamachiy killkakkuna atinakunka, runa kakpimi chay yuyayta atinakunka.
JLVN/eg/jc-kichwa
