Jorge Glas awllikuk Mamallakta Pushak, Gabriela Rivadeneira Mamallakta Tantanakuyta pushak, Utkachik kamachik, Mamallakta Tantanakuypak kamachikkuna rirka. Paykunami Ecuador llaktawan, Costa Rica llaktawan Mamakuchata sayway Yuyarinakuypi karka. Shinami allpata, mamakuchata maykama saywata xchurashpa tukuchin.
Kay Istawasi aknaypika Rosana Alvarado Mamallakta Tantanakuypak shukniki rimayta charik karka; kamachiy killkakkuna: Fernando Bustamante, María Augusta Calle, Marllely Vásconez, María Soledad Vela kamachikkunapash, María Fernanda Espinosa Ukllak Kamaywasimanta karka; Alto Mando Militar kamachik, ista kamachikkuna; shuktak kamachikkunapash kaypi karka.
Ecuador llaktamanta Istakamachik, Ricardo Patiño, Costa Rica llakatamanta Istakamchik, Enrique Castillo kay Yuyarinakuytaka aspirkakuna, ishkantin Mamallaktakuna 1978 watamanta, 1985 watakama rimanakushpami kay shuklla yuyayman chayankuna.
Shutita aspishka kipa, María Fernanda Espinosa Ukllak Kamaywasita pushak, Ecuador llaktaka kay saywakunata, shina: chinchaman Colombia llaktawan; kullaman, antiman, Perú llaktawan; chincha anti, Costa Rica llaktawan; kuntin, Cuenca Asia– Pacífico mamakuchawan charin nirka.
Ecuador llaktamanta, Ricardo Patiño Istakamachik, kaywanka Convemar yuyarinakuyta, istallaktakunapak hayñitami paktachin nirka. Ishkay Mamallaktapura sumak hamutarinakuyta rikuchin, kaymi Hatun Mamallakta yuyayta kun nirka, kaytami Libertador Simón Bolívar munarka.
Kay Costa Rica llaktamanta istakamachik, Enrique Castillo, shuk pachami wichkarin, ishkantin Mamallaktakunaman mushuk pata llankaymi paskarin nirka, kayka wawkishina nuna ukupi kan.
Kay tukuri kimsa watapika Memorando de Entendimiento para la Iniciativa Conjunta relativa a las Plataformas Continentales llankaykuna tiyashka; sumakrurakkunaka Islas El Coco, Archipiélago de Galápagos llaktakunaman riksinkapa chayarka; ishkantin Mamallaktakunami kimsa sumakruray tantarita rurarka.
AM/pv/jc-kichwa
