Hatun willaykunapi, Movimiento Sociales tantari mushuk Recursos Hídricos, Usos y Aprovechamiento del Agua kamachiy llukshichun yanapan, Mamallakta Tantanakuy arinishkami kan, Mamallakta Pushakta utkashpa arinishpa kallarichichun mañan.
Pay Joffre Pérez, coordinador de la Federación Nacional de Cámaras Artesanales y de las Juntas de Riego tantarita pushak, uchilla kamachiyta killkanka allichikunchik nirka. Kay yaku kamachiy ña llankakushpaka uchilla tarpukkunata, shulkakunapi yaku parkukkunatami yanapanka, shinami Ecuador llaktapi awki mikuna tiyachun yanapanka nirka.
Mana yalli llakichi
Ky Federación de Organizaciones Montubias del Ecuador, Marcos Calderón pushak, kay tantarika yunka llaktamanta 678 ayllyullaktakunami tantarishka kan, 70 watakunapi imashina karka chaytami sakichin, chay watakunapimi yakuta shuwaykuna tiyarka nin.
Kay muchuk kamachiyta yunkallaktapi kawsak ayllullaktapak mutsuytami hapin nirka, paymi yakumanta tapuypi karka, wakin runa tantarita pushakkuna Mamallaktata shayachina munaktami sinchita hamirka.
Mana llaktakuna yanapaywan
Tawkakunamanta, Rodrigo Collaguazo, Movimientos Sociales shutipi rimakta, yaku kamachiyka hatun charikkuna tantarishkatami llakichin, “uchilla antawakuna tantarishpa kaparinami alli” nirka, Conaie tantariman mana achka runakuna kaparinkapa tantarishka. Chimborazo, Bolívar, Tungurahua, Cotopaxi, Pichincha runakuna mana shamushka rikurin nirka.
Yaku Kamachiyka, yaku shukpaklla makipi mana sakirichun harkan nirka; yaku tantarita, yaku parkukkunata sinchiyachinmi nirka; Autoridad Única del Agua shuk kamaywasimi kan, mana shuk runachu kan, chaypimi kipa pushakkunata charinka. Mamallaktapi, markakunapi pushakkunata charinka, chaywanmi llullashkakunata, pantachishkakunata achiklla sakinka nirka.
Ña tukuchinkapa, llankak wasikunamanlla, chuki surkukkunaman yakuta kuna mana alli rimaychu kan nirka. Chakrakunapi yakuta parkuna, kapukyachikkunapi yakuta churana, runakunapak kullkita, yanapak kullkita ñawpachinami kanka nirka.
MG/pv/jc-kichwa
