Gabriela Rivadeneira Mamallakta Tantanakuyta pushak, 309 tantariman kayarka, chaymi kullka, 8 puncha, 09:30 sayllamanta tantarinka.
Kay tantaripimi, Mamallakta Tantanakuy Consejo Nacional Electoral ñawpak, kipa kamachikkunata llankachun tiyachinka, kayka (chawpi kamachikkunata kallari rantinchimi kan. Shinallatak Mamallakta Pushak kay Servicio Público de Energía Eléctrica hatun kamachiyta ashata shitashkata riksinkakuna.
Kamachiykunata tiyachi
Yallishka 17 puncha, kapak killa, 2014 watapi, kay Consejo de Participación Ciudadana y Control Social (Cpccs) kamachikkuna, Akllak Tantari, chawpi kamachikkunata ratinchinkapa mishanakuypi mishak kamachikkunata tiyachichun Mamallakta Tantanakuyta kayarka, kaypimi Tayupanta Noroña Carlos Mauricio, Toapanta López Gloria Rocío akllaypi mishak kamachikkuna llankankapa tiyarinka, paykunaka hatun rimayta charikkunami kan, 96 iñuman, 95 iñuman paktakunami kaya llankayman yaykurin.
Shinallatak Goyes Quelal Narda Solanda, Rodríguez Ayala Mónica Silvana, kipa chuskuniki, pichkaniki kunakkunami tiyarinka, mashna iñu charikta rikushpami tiyachinka, kari warmi pakta yaykurichun rikunka, kawsaypuratapashmi rikunka, Mamakamachiy, kay Reglamento del Concurso uchilla kamachiyta katishpami tiyachinka.
Chaskishka kamachiyta allichichun minkay
Tawkamanta, kay Servicio Público de Energía Eléctrica hatun kamachiy hawami, Desarrollo Económico, Productivo y la Microempresa Minkashka tantari, kay kamachiy mana yaykuchik kamachiy kan nishpa willarka, Mamallakta Pushak rikushpa kachashka kamachiyta Mamallakta Tantanakuy allichichun nishpami minkarka.
MG/eg/jc-kichwa
