Kay Desarrollo Económico minkashka, shamuk chilla puncha, 10:30 sayllapi, Venta Directa tantarita chaskinka, paykunapak tantari Ecuador llakta kullki wiñarichun llankakushkata rikuchinka, kaytami Juan Carlos Cassinelli minkashkata pushak willarka.
Kay venta directa llikapi, paylla hatun llankak wasipak kapukkunata rakishpa llankayman kimirishkata mana charinchu. Kapukkunata katuyka shukta willana ñankunawan kimirishkami kanka, internet shuktakunapak kanka.
Kay llankay tantaripi, kamachiy killkakkuna, ashtawankarin, taripakkunata, Esmeraldas markamanta, Universidad Estatal Luis Vargas Torres kamachikkunata uyanka, chay kamachikkunaka cogollo de la palma africana yurapak unkuyta rikuchinka.
Kay unkuymi tarpuchun, murukuna pukuchun wakllichin, palma africana yurapak ñawitami ismuchin, ashtawanakarin Esmeraldas markapak, San Lorenzo kitipimi palma africana yurapak unkuyka rikurishka. Asociación Nacional de Cultivadores de Palma Africana, 15 waranka patsak milka allpapi tarpushkami pichka watapi wakllirishka.
Kay Palma africana yuramantami mikuna wiswita surkun, kaytami Ecuador llaktapi kawsak runakuna mikun, puchutaka tawka istallaktakunaman katunpash.
Kipaman, Esperanza Galván kamachiy killkak, minkashkaman yaykurishka, paypak mashikunaman Esmeraldas markapak tukuylla riksinaman willanka; shinallatak Soledad Buendía kamachiy killkak, pakllakunamanta kachashka Guayllabamba shulka wakllirishkata allichinkapa llankaywan paktashkata rikuchirka.
JLVN/pv/jc-kichwa
