Kay Educación, Cultura y Ciencia y Tecnología minkashka, Ximena Ponce kamachiy killkak, kay Ministerio de Electricidad y Energía Renovable kamachikwan tukushpa, kaya 09h00 sayllapi kallarishpa, Mamallakta Tantanakuypak ukupi “Eficiencia Energética y Cocinas de Inducción” yachayta ruranka.
Kay tantaripika Programa de Eficiencia Energética para Cocción por Inducción (PEC) hawa yachachinkapami kan, chay mushuk yakuzirma ushayta hapinaraykumi kay yachaykunaka kan nirka, chay ushayta surkunkapa Mamallakta achka kullkita churashka nishpa kamachiy killkak rimarka.
Sumakruraymanta kallarishpa zirma yanunata yachankapami kanka, imashina yanuna, imashina zirma yanunata tiyachinatami yachachinka, chay yanunata imashina hapinata, yanunata hapinka yaykurikkunaman kullkita mana kushpalla zirmata hapinata yachachinka, shina pachamamata mana wakllichishpa yanapayta, kamayta chaskinka.
Ximena Ponce kamachiy killkak, zirma yanunata hapina may sumakmi kan nirka, zirma l 85% patsakri may allimi kanka, ñawpaka waksi yanunawan 40% patsakrimi karka; waksi llukshina, tukyana anchurinmi; kikinllatak rupana, wasi rupana anchurinmi, hawalla yanunami kan, ashlla pachapi mikunata yanunami kan, shuktak yanapaykunapash tiyanmi.
Zirma yanunaka, waksi yanunapak rantimi kan. GLP waksita rantishpaka hunukuna kullkimi watapi Mamallaktamanta llukshin, 78% patsakri waksimi kanchamanta rantishka kan, shinami willarka.
Zirma sapita mushukyachinkapa tiksimi kan, zirma purinata mirachin, zirma hapinata kaman, Mamallaktapi zirma awkita sinchiyachin, kay llankayka ña purikuktami llaktayukkuna yachanata charin.
Kay yachayka, Mamallakta Tantanakuypak José Mejía Lequerica ukupimi pusharikrinka, 9h00 sayllamanta kallarinka. Chay ukupimi zirmawan yanunata yachachinka, zirma yanunata tiyachinatapash rikuchinkami.
Chay yachayman yaykurinkapa, zirma yanunata hapinkapa zirma pankatami charina, kikinpak shutitapash killkachinami kan.
JC. kichwa
