Galo Borja, Régimen Económico y Tributario Minkashkata pushak, kay tantari hunka tukurikama willayta chayachinkapa pachata charin nirka, kaypimi Código Monetario y Financiero kamachiyta atinakunka, Utkachik yuyachishkami kan.
Kunanmi Cuenca llaktapi tawka tukuylla, shukpaklla llankaywasiman rimanakunchik nirka, uchilla kullkiyuk wasimanpash kanka, chaska punchaka Guayaquil llaktapi kullkiyuk wasikunawan llankanka, uchilla kullkiwasikunata, kamakwasikunata, Sumak Yachana wasita pushakkunata, willakkunata, shuktakkunatapash chaskinata ushanmi.
Kullka punchamanta Quito llaktapi, paypak llankayta sinchiyachinka, kay rimanakuypika willashkakunata imashina sakirikta rikunka, kayman yaykurishka tantarikuna yuyayta kuchun, rikuyta kuchun mañarka.
Tarpuyta wiñachik kullkiyukwasi
Shukpaklla Kullkiyuk wasi, wiñaykawsayta rikukpika kullkiyukkunaman, charikkunamanllatak achka kullkita kushka, shina mana katina kanchu.
Kunanka runatami kullkipak ranti churakunchik, kullkiyuk wasikuna kapukyachikta wiñachichunmi allichikunchik. Hatun Kamachikkunami tawka kuskakunapi kullkita churanata munakun, kay kullkikuk wasikunata katishpa uchilla kapukyachikkunaman, uchilla tarpukkunaman kullkita chayachinka nishpa tukuchirka.
Kullki llikata nikichina
Kullki llika urapi hawapi tukushka Borja nirka, kipushka 950 uchilla kullkiwasi wiñarishka, chaymanta mayhanpash allita mana llankakunchu. Llikata allichina rayku, kay llakitaka rikunami kan. Imashinatak Yanapak Kullkiyukwasi, Uchilla kullkiyuk Wasi, Hatun Kamakwasi wiñariyshka, chayta imashina kakta riksinami urman.
MG/pv/jc-kichwa
