Kay Comisión de Justicia y Estructura del Estado tantari, Notarial kamachiypak 19 nikita mushukyachinkapa allinta rikun, kaywanka Mamallaktapak tiyashkakunata wakaychinatami riman, kay kamachiywan kamachiyta pakishpa kullkiyuk tukuy, kullkita pakalla shuway ama tiyacun harkanka.
Kayta rurankapa minkashka, Paco Fierro rimashkata uyarka, paymi mushuk kamachiyta kallarirka, kay mushuk kamachiytaka charishkata shuktak makiman kachashpa, katushpa ama killkaykamaypak makipilla sakirichun, Registro de la Propiedad o en el Registro Mercantil makipi kipurichun nirka.
Mushuk kamachiyta charishkakunata katuna, rantinata achiklla kachun nin, tukuylla awllikkuna kamachiyta pakishpa kullkiyuk tukunatapash harkanka, kamachiywan rantina yuyarinakuy killkata Registro de la Propiedad wasipi killkarichun 3o punchata kunan ninpash.
Minkashka tantariman yaykurishka kamachiy killkakkuna mushuk kamachiy alli yuyayta charikpi, tukuypak alli kakpika, Mamakamachiy katikuywan ama takarichun alli killkakatishpa allichinami kanka nishpa rimankuna.
Killkakamay paykuna wanachichun mana sakinachu kan, rantishka pankakuna Registro de la Propiedad wasipi mana killkarikpi mana wanachinachu kanka.
Kay Justicia y Estructura del Estado Minkashkata pushak, Mauro Andino, uchilla kamachiywan nikina Unidad de Análisis Financiero wasita wiñachirka, kay wasika killkakamay ukumanta sapan killami willayta chaskirka, 10 waranka kullkipi charishkata katushkatami willak karka.
Kay ñanta katishpami kullkita pakalla shuwayta harkana, kayta riksishpa rantishka pankakuna Registro de la Propiedad o el Registro Mercantil mana killkarichun harkanata usharinka.
PV/jc-kichwa
