Mamallakta Tantanakuyta Pushak, Gabriela Rivadeneria Bolívar markapak willana ñankunawan rimankuyta charirka, chayka Guaranda kitipimi karka, 16 willana ñankunawanmi chayamurka.
Mamallakta Tantanakuy kamachiykunata ima llaktaywan killkashpa katina, imashina kamachiyta killkana hawami Mamallakta Tantanakuyta pushakka tawka willana ñankunaman willarka. Ashtawankarin kay Recursos Hídricos, Usos y Aprovechamiento del Agua kamachiy, Comunicación kamachiy, Uso y Aprovechamiento del Suelo y Territorio kamachiyta rimarka, kay kamachiykunami tarpuy wiñarichun mutsurin nirka. Katipika Seguridad Social hawa, Banco de IESS kullkiyuk wasi hawapash rimarka, yachachikkunapak kullki hawapash rimarka. Luis Tapia, Holger Chávez kamachiy killkakuna kaypi karka.
Kay rimanakuypi Gabriela Rivadeneira, yachachikkunapak kullkimanta rimashpaka ña kimsa watawashaman yachachikkuna Mamallakta Tantanakuyman paykunapak kullkita yupachun mañashpa shamurka, chaymanta Código Monetario kamachiyman yaykuchirka, Junta Reguladora yachachikkuna llankay sakishka kullkita yupachun nirka.
Chay kullkita pushankapa shuk uchilla kamachiymi mutsurin, 60 fondos previsionales cerrados kullki wasikunami tukuyllapak kullkita chaskishka tiyan nirka. Derechos de los Trabajadores Minkashka, kay tantarimi Seguridad Social y BIESS kullkiwasipak kamachiyta ñawpakman pushanka nirka, ñami kallari atinakuypak shuk willay tiyan nirka, chayka Mamallakta llankan ukupimi kan nirka, kaya kullka punchami kayta rimarinka nirka.
Tiksi yuyayka kullkita churakkunata kamankapa, achiklla rikuchinkapami kan, IESS kamaywasi, BIESS kullkiyukwasiwan kay kullkita tukuylla kullkita churashpa pushachun riman, chaypakka shuk waranka, ishkaypatsak dólar kullkimi tiyan nirka, BIESS kullkiyukwasi chulkita churakkunapak mutsuypi yanapankapa shuk ñanta churachun, shina wasita rurachun nishpa kullki mañachina ñanta wiñachishpa yanapanka nirka
Kay Código Monetario kamachiymanta rimashpa, shinami kullki, kullkiyay llika runapak hawapi kachun pakin nirka.
Kay kamachiyka tukuylla kullkiwasita, shukpaklla kullkiwasita, kullki mañachik wasita, shuktak kullki wasikunatapash Junta Monetaria kamaywasimi pushanka nirka. Paymi llankashkata rikuchinka, alli mana kashkata rikunkapa kallarinka.
Kay Suelos y Territorios kamachiyka allpa imashina llankana, llankayta wiñachiyna achiklla rikunaka, shina kititantaripak llankayta sinchiyachinka nirka. Kititantari paypak llankayta paktachichun nirka, llankayta mana alli rikuchikpika wanachishkami kanka, shinapash Kititantaripak llankayta nimatapash mana kichunchu nirka.
Kay Recursos Hídricos, Uso y Aprovechamiento del Agua kamachiymanta rimashpa, yakuta rikuchun shuklla kamachik tiyanka, kay kamaywasimi llaktakunawan imshina yakuwan llankanata yanaparishpa pushanka nirka, kay Hatun Kamachikmi yakupampakuna ama chakirichun achkata llankashka nirka.
Wichkana tawka wasikunapi wanachishka kak runakuna, chaymanta llukshishpa llaktakunapi tarpuyta mirachishpa, sachakunata tarpushpa, yakupampakunata allichishpa llankachun llaktakunaman kachanka nirka, chay runakunaman llankashkamanta kullkita kunka nirka.
Willay kamachiymanta rimashpa, willana ñankuna tukuypak kachun kanchis watatami yallishka nirka, willakkuna paykuna llankashkamanta ama shuwashka kachun nirka, chaymanta paykuna allita yachachun, llankaywan pakta kullkita hapichun nirka.
Kay Código de Conocimiento kamachiy chayachun shuyakunchik, chaywan alli hillaykuna, ñankuna wiñarinka, shinami kapukyachik sapi mushukyarinka nirka. Ñukanchik Mamallaktapi mushuk llankaykuna wiñariychun sumakruray taripayta rurana nirka. Shinami Código de Conocimiento kamachiy tukuy Ecuador llaktapi kawsak runakunata yanapanka nirka, chayka kawsaytarpuy kawsay sapita mushukyachinka nirka, mana pachamamata wakllichikpaklla mintalaykunata, kapukyachikuna ruranka.
Mamallakta Tantanakuy rurashka kamachiykuna mana kamachiy killkakkunalla rikunata charin Gabriela Rivadeneira nirka, tukuylla llaktayukkuna, tantarikuna kamachiyta kamashpa rikunata charin, mushuk kamachiykunata killkaypi kachun nirka.
Kaypika, Diario Los Andes, Canal Municipal, Caluma TV, Radios: Bolívar, Impacto, Mundo, Guaranda, Satelital, La Paz, Radio Universidad de Bolívar, Spacio, Surcos, Matiaví, Turbo Poder; Semanario Amigo de Hogar, Bicentenario Tribuna Bolivarence willana ñankunami kaypi karka.
JLVN/jc-kichwa
