Mamallakta Tantanakuy Kikinllatak Karupi Kamachikta katishpa, Richard Calderón kamachiy killkak pushakwan, Llaktata nikina, Allpa Pampata Llankana Kamachiyta rurankapa shuk yachayta kunkapa allichirin. Kay yachaytaka shamuk 20 puncha, pawkar killapi rurarinka, José Mejía Lequerica ukupi, 09:00 rurarinka.
Kay yachaypimi Ecuador llaktapi imashina allpakuna kamachiywan allichishkata rikunka; shinallatak pampakunapi imashina llankakushkata, imashina kamachiywan katikukta yachachinka; willay llikatapash rikunka. Kipaman yachachikkunaman tapuykunata ruranka, chayn tapuywan llaktayukkunapak, chayman yaykurishkakunapak yuyaykunata hapinka.
Chishi sayllaman, chaypi kakkunapak yuyaykunata hapinkapa pichka patakuta churanka, kipaman tukuykuna tantarishpa rimanakunka.
Kikinllatak Karupi Kamachikkuna Minkashka Richard Calderón, llaktata nikinata, allpa pampata llankana yachak kamachiktami sapan patakuta rikuchun churanka. Chay yachaypi kankapa shutikunata www.asambleanacional.gob.ec zirmapimi, pawkar killaka, 14 punchakama hapina kan.
Kay kamachiy killkak Unión Europea tantarimanta kay kamachiy killkarichun, sumakruraywan yanapankapa shutita aspirka, chaywanmi Mamallakta Tantanakuyman hatun yuyaykunata charinka, chaywan kay mushuk kamchiyta killkachun yanapanka.
Kay hatun yanapayta rurankapa Azuay, Napo, Guayas, Imbabura, Pichincha, Galápagos markakunapak karupi kikinllatak kamachikkunata riksinami mutsurin.
Manarak kay llankaykunata rurashpa Marcos Vaquer Caballería Unión Europea minkashka, sukta markakunata riksishka willayta karupi kikinllatak kamachik minkashkaman chayachirka.
Kay llankaykunata tantachishpami, kamachiy killkakkuna, 20 puncha, pawkar killa, kayman yaykurishkakunaman shuk yachayta riksichinkapa allichirinkuna.
JLVN/am/JC- kichwa
