Hatun Raymi, Kawsaytarpuiy ukupi, tantarishka llankakkuna mushuk Código Laboral kamachiyta killkarichun yuyayta kunkapa chaypi kashun nirka, chay minkamanka Gabriela Rivadeneira Mamallakta Tantanakuyta Pushakmi kayanka.
Maritza Zambrano, kay Trabajadoras Remuneradas del Hogar Tantarimanta, kamachiy killkakkuna, kay Organización Internacional del Trabajo Doméstico (OIT) kamachiypak 189 nikita kutintak arinishkamanta kushiyarirka, chaymi paypak hayñikunata sumaychashka kanka. Kunanka 300 waranka runakuna tantarishka llankakkunatami riksin, Código Laboral kamachiypi OIT tantaripak 189 nikita yaykuchichun mañarka.
Paymanta, Richard Gómez, FEDELEC tantari kachashka, kay Revolución Ciudadana tantari llankakkunapak munayta rikuchirka nin. Kay Código de Trabajo mushuk kamachiyta killkankapa yanapanka, chay Petroecuador, Petroamazonas, Zirmapi llankakuna, tukuyllapi llankakkuna, llankakkunapash yanapana nirka, paykunaka mushukyana yuyayta charik llankakunami kan.
Tantari llakta ushay kamachiypi paktachun mañarka, ashtawanpash wasikunapi llankak, kikinlla, kikinlla-kachashka llankak, shuktak warmikunata yaykuchichun mañarka.
Paymanta, Gustavo Zurita, kay Confederación Unitaria de Trabajadores del Ecuador, Mamallakta Tantanakuypak llankayta yanapanchik nishpa, mushuk Código de Trabajo, shina rimashpa tricimotos llankakkunata chaskichun nirka.
Shinallatak Marcelo Solórzano, kay Parlamento Laboral tantarimanta, ñampi katushpa llankakkunatapash riksichun nirka, paykunapash llakta wiñariyna ukupi kanatami munan. Mamallakta Tantanakuy kay runakuna rimashkata uyankapa chaskishkamanta achkata yupaychanchik nirka. Chaymantami: pukuchinkapa, pukuy mirachun, chimpapurankapa, tukuykuna llankayta charinkapa, ñukanchik hayñikunata sumaychay tiyachun, wakcha runakunata, llankaypi sampayashka runakunata paktakayta kuchun nishpa paktachirka.
Hayñikuna
Kay Relaciones Laborales hatun kamachik, Carlos Marx Carrasco, kay Código Orgánico del Trabajo kamachiy llankakkunapak kikin hayñita ukllanka nirka, tantaripak kishpiykayta kamanka, llankayta hapinata, llankak tantarita, mana chikanyachishpalla ukllanka nirka, sumak kawsayta yanapachun, kapukyachik sapita mushukyachichun ukllanka nirka.
Mamallaktata yanapachun, mushuk llankak tantari tiyachun mañakrinchik nirka. Chaymantami kay Revolución Ciudadana kamachikkunaka mana samarina kanchik, kari warmi tukuykunaman alli llankayta kunanka mana samarinka, tukuykuman yanapak kanka, kullki tiyachun llankanka nishpa tukuchirka.
JLVN/MG/jc-kichwa
