Mamakamachiyta mushukyachinata yachak minkashkakuna Loja llaktaman chayanka, chaypimi 16 allichina nikikunata rimankunka, runakunapak yuyaykunata chaskinka..
Mamakamachiy mushukyarinaka, paypak 441 nikipi rimashkami kan, kay nikipimi, shuk tawka nikikunata allichina kakta riman, chamantami Mamallakta Tantanakuy kay llankayta pushachun yuyarishka. Mamakamachiyta mushukyachina llankayka, paypi tiyak hayñikunata, kamayta mana kichkichinchu, mana harkanchu; mutsurishka nikikunata allichinkapa shuk ñanmi kan.
Kaykunata paktachishpami chunka minkashka shuk kamachiy killkakkuna Loja llaktaman chayanka, chay llaktapimi kari warmi llaktayukkuna yanapashka rimanakuyta charinka, chaypimi tapuykunata uyanka, tikrachinkapash, tawka mushuk yuyaykuna rikurishkatami hapinka, kipaman chay yuyaykunawan Mamakamachiy mushuyayta allichinka.
Kunan punchakama minkashkakuna pichkakutinmi tantarishka, shina: (Montecristi, Guayaquil, Ibarra, Esmeraldas, Tumbaco) llaktakunapimi rimanakushka, kaywan suktakutinmi kan, chay Loja llaktapi tantarinka, chaypimi mushuk yuyaykunata, tapuykunata chaskinka.
Mana kay tantariwanlla Mamallaktapi kuturinchu, kamachiy killkakkuna, sapan hunkapimi uchilla tantarikunata ruran, runakunawanpash tantarinkunami, yachakkunawanpash rimarin, shinami tukuy suyukunata killpan, runakuna munashkaman paktan. Mamakamachiyta Mushukyachinata minkashkakunapak yuyayka tukuy Mamallaktapak ayllullaktakunaman chayanami kan, chaypimi Mamakamachiyta mushukyachishpa ima alli yanapayta chaskina hawa rikuchinka.
Chay Loja llaktapika, 20 puncha, ayriwa killa, 2015 watapi minkashkakuna tantarinka, chayka Cabildo del Gobierno Autónomo Descentralizado Municipal wasipi tantarinka, imashinami Mamallakta Tantanakuypi rurarin shinallatak haylliwan, unanchawan, sumaychaywan rurarinka, chayman chayakkunatapash hatunpi churashpa, sumaychashpa chaskinka.
Mamakamachiy mushukyayka, Ecuador llaktapi kawsak runakunata yanapankapa Mamallakta mushukyaytami yanapan. Mamallaktaka tukuykuna rikukukpi mushukyarikunami rikurin, Mamakamachiypak llankay achiklla rikurinami mutsurin, llaktaywan mana chakrurinachu, chikan munaykuna llaktayukkunapak hawapi mana kanachun.
JC-kichwa
