Kunan chilla, 11 puncha, 14:30 sayllamanta, tukuykunapak ñawpakpi Esthela Acero, Miguel Carvajal, Alexandra Ocles, Mauricio Proaño, Nelson Serrano kamachiy killkakkuna llaktayukkunawan shuk rimanakuyta charinka, kamachiykunata killkashka hawa riksichinka, llaktayukkunapak mushuk yuyaykunata chaskinka, shina tukuypak kamachiykuna killkarichun katichun yanapanka, kay kamachiykuna Mamallakta mutsushkata yanapanka.
Tukuykunawan ñawinchita, kay Municipio del cantón Mejía, Pichincha markapi, 2014 watapi kamachiykunata killkashka runakunaman rikuchinka; chayka Recursos Hídricos Hatun kamachiyta riksichinka, kay kamachiy ñawpamanta runakuna, runa llaktakuna, ayllullaktakuna, yunka llaktakuna, yana llaktakuna ñawpamanta shuyashkami kan nirka, yakuta runa hayñi shinata, kullkita kuk shinata rikushka kanka.
Chay 2014 watapi atinakushka yuyaytami rimanakunka, kay yuyaykunaka 2015 watapak katikilla pankapimi taririn, chayka Tierras Rurales y Territorios Ancestrales Hatun kamachiymi kan, kay kamachiyta arininkapa llaktakunata tapunami urman. Shina allpakuna tukuypak kachun, llakta ushayta sinchiyachichun, awki mikunata charichun, allpakuna runakunata yanapachun, pachamamata charichun, hawalla allpata shutichinkapa.
Shuktak yalli mutsurik kamachiyka Telecomunicaciones Hatun Kamachiymi kan, runakuna willachik wasikunapak mitachita hapina hayñita charichun kamanka, karu uyarik mitachita charinka, maypilla willaykuna tiyarina kuskata rikunka.
RSA/pv/jc-kichwa
