Mamallakta Tantanakuy pushak, Gabriela Rivadeneira, Mamakamachiyta allichina mushuk llankayta, Mamakamachiy Rikukwasi kamachikkunaman chayachirka.
Kay yuyaykunapak ukupi Manuel Viteri Olvera Mamakamachiy Rikukwasita minkashka Puashk, kamachiy kushkata katishpa, ushilla kamachiyta katishpa, kay allichina llankayka kallaripi rikunkapami tiyarin, tukuy llankaykuna shinallatak achikllami kanka nirka.
Mamallaktata Tantanakuy mañashka, Mamakamachiyta harkana ukupi tiksirishkami kan, 443 nikipimi riman, kay kamaywasi katina churayta shayachichun, chaytaka Mamakamachiypak 441, 442 nikikunawan kimirikmi kachanka, Mamallakta kawsaypak maymuturikmi kan nirka.
Mamallakta Tantanakuypak wasi kanchapi, Gabriela Rivadeneira tawka tapuykunata tikrachirka. Chaypi Mamakamachiyta rikuk wasi imata nishkata rikushpami kay pushachun shuk minkashkata wiñachina nirka, chayka Mamallakta Tantanakuypi kallari atinakuyta rurankapa shuk willaymi kanka.
Sapan llaktayukmi, sapan llaktakunapi mushuk mañay paktakushkata, llankakushkata allinta riksinata charin, kayka runa mushuk kawsayta charinkapa mutsuymi kan, llaktayukkuna wiñariynkapa, tukuykuna sumakkawsayta wallpankapami kan.
“Karwa killakama, 2014 watapi ña Mamallakta Tantanakuypi atinakuyta kallarishun, karwakilla 2015 watapi ñami llankankapa kallarichun, Código de la Democracia kamachiyta ashata kichkiyachinka, kutintak akllanata, mitatapash rikunka”, nishpa rimarka.
17 nikikunami, shuk yallichimanta nikita allichinka, kay nikikunaka allita kamachiywan rikushkami kashka. Kay mayhan nikikunapash Mamallaktapak wallpata mana wakllichinchu, nishpa rimayta tukuchirka.
MG/pv/jc-kichwa
