Mamallakta Tantanakuypi tawka wankurimanta apukkunami, mamakamachiy mushukyachinapak 16 mañaykunamanta paykuna yuyashkata riksichirkakuna. Kay 302 niki apukkuna rimanakuyka kimsa kutin tantanakuypimi llankarirka, tukuymantaka 67 apukkunami rimarirka, shinami kay killkamanta shuk niki rimanakuyka puchukarka.
Mamallakta Tantanakuyta pushak, Gabriela Rivadeneira apukka, 14 pachakunapimi rimanakushkanchik nishpami 302 niki tantaritaka wichkarka.
Ashtawan sinchiyta rimanakuyka Mamallakta Tantanakuyman Corte Constitucional tantanakuy killkashpa riksichishkamantami ñawpakman rimanakurka; llakta pushakkuna kutinapash akllarinaman yaykunamanta; Fuerzas Armandas tantanakuy Llakta kasiklla kawsaypi yanapash llankanamanta; Kiti pushakkunapash hampinapi, yachaypi makipurashpa llankanapak ushaykuna charinamantami rimanakurkakuna.
Shinallatak, kunanpaklla minkarishka apukkuna kay shuk niki rimanakuy puchukashka kipaka kay shamuk 13 killakuna ukupimi llaktayukman riksichishpa llankanamanta rimarirkakuna, kayshinami llaktayukka tukuy imallla mushukyachinata pakta riksinkakuna.
Apukkunaka, mamakamachiy mushukyachinapi kay 229 niki killka kari warmi llankak runakunata Código de Trabajo kamachiywan ukllanatami rimarirkakuna; shinallatak kay 211 niki allichishkawanka Contraloría tantanakuy imashinalla llakta charishkata rikunamantapashmi riksirkakuna.
Mamakamachiy mushukyachinamanta llaktayukta taripanamanta; llakta pushak, kipa pushak akllarinapak mashna watayuk kanamantapash rimanakurka.
Shinallatak, mamakamachiypak 384 niki killka allichinamantaka, llaktapak, shukllapak, ayllukunapak willachishpa llankak wasikuna ayllukunapak yanapayta chayachikkachun mañay tiyana kan nirkami.
Apukkuna rimanakuypika ayllukunapak hayñita paktachishpa sumak kawsayta llakta mushukyaywan paktanatami ashtawan rimarirkakuna; achikyachishpaka Fuerzas Armadas tantanakuy llakta pakta kawsanapak imapilla makipuranapak churashkatami rimarirkakuna, nirkami, Llaktayukpash chaypikana ushaytaka pushakkunata paykuna akllashpami alliman paktachinka, nirkakunami.
Kunanpaklla tantanakushka apukkuna llankashkata naparka, kaymanka tawkakunami mamakamachiy mushukyachinapak yuyaykunata chayachirkakuna nirkami, shinallatak mamakamachiy mushukyachinapak 16 rikuchiymanta ashtawan yuyaykunata chayachishpa katinami kan, nirkapashmi.
JLVN/pv
