Kay Universidad Central sumak yachana wasipak Jurisprudencia yachana, Paraninfo “Che Guevara” wasi ukupimi, mamakamachiypi 16 mushukyachina mañashkata riksichina ishkay niki tantanakuy paktarka, kay tantarimanka Federación de Estudiantes Universitarios del Ecuador shinallatak Escuela Legislativa de la Asamblea Nacional tantankuykunami kayachirka.
Kallaripika, Soledad Buendía apukka Mamallakta Tantanakuy kayshina llankayta pakta rurana ushayta charinmi nirka, shinallatak kay llankayta paktanapakka Corte Constitucional tantanakuypash killkashpami rurana ushashkata riksichirka.
Pushakkuna kutinpash akllarinamanta rimashpaka, llaktayuk pakta ushayta charichunmi sinchiyachin, mamallaktapak kuskata mana wakllichinchu, nirkami. Akllarinaman shutirishkallawan llakta pushak, marka pushak, kiti pushak tukuna mana paktariy ushanchu, llaktayukmi munaywan, pushakkunata akllay ushanka, chaypakka apushitaywanmi ayllukuna chaypi kanata sinchiyachinka, nirkami.
Shinallatak, doctora Ana Abril, sumak yachay wasipi llankak, mamakamachiy mushukyayka, mamakamachiy paktachinapi mana alliman pushashkami rikurin, shinallatak pushak yallimanta ushayta charinami rikurin, nirkami. Kayshina mañayka llaktayukkuna pakta chayanatami harkan, pakta pakta kanatapash wakllichin, ashalla llaktayukkunapak ushaytapash wakllichin, nirkami.
Fausto Cayambe apuk, Mamakamachiyta mushukyachinapak minkarishkapi llankakka, Ecuador llaktapi kayshina rimanakuyta kapak killa 2015 watakama ashtawan sinchiyachinata riksichirka, llakta pushakkuna kutin akllarinataka llaktayukmi arininka mana ninkapash, nirkami.
Kay Fuerzas Armadas tantanakuy, Chapakkunawan makipurashpa llankanamanta rimashpaka, llaktapi pakta kasiklla kawsay tiyachunmi mashkakunchik, GAD tantanakuykuna hampinapi, yachaypipash mana pakta llankay charishkata sinchiyachinkapakmi kan, nirkami.
Germán Rodas Coloma runa, Sumak yachana wasipi llankak, Llakta pushak llaktakunapi mutusushkata yanapanapak kamay wiñachishkata wiñachishkamanta riksirirka, shinallatak kasyhina llankay mushuk ushaykuna paktarinatami riksichishka, nirkami.
Llaktayuk pakta chaypi kanapak kuskami tiyan, Hayñita charik llaktamanta, hayñikunata charik llaktamanmi yallishkanchik. Shinapash, kay Pichka niki - Transparencia y Control Socia. Tantanakuypak ushayta sinchiyachina mutsurin, kayshinami llaktayuk ashtawan kimirinka, kikin tantanakuyta sinchiyachishpa, nirkami.
Puchukaypika, Gabriel Rivera apuk, Fiscalización minkarishkata pushak shinallatak Ocasional de Enmiendas Constitucionales minkarishkapi llankak runaka, mamakamachiy mushukyachiywanka llaktapak maruta mana wakllichinchu nirkami, shinallatak ushaykunata mana rakinchu, ashtawanpash 2008 watapi rurashka mamakamachiymi ruraykunata rakirka, ushayka shukllami, llaktayukpakmi
Mamakamachiyka pachakuna yallishkaman, rikuyman, rurayman, llakta mushukyayman, wiñay kawsay ñawpaymanmi kimirina kan, kayshinami shuk sinchiy ñawpakman purik llaktata charishun, nirkami.
MG/pv
